کوسٹا ریکا کے صدر دوران انٹرویو مکھی کھا گئے

سینٹ جونز :   انٹرویو دیتے ہوئے ایسا بھی کیا شغل کہ انسان مکھی ہی کھا جائے، مگر کوسٹا ریکا کے صدر نے اسے سچ کردکھایا اور دوران انٹرویو چہرے پر اڑتی مکھی کو کھا گئے۔

خبر رساں ادارے نیویارک پوسٹ کے مطابق پریس بریفنگ کے دوران کوسٹا ریکا کے صدر نے زندہ مکھی نگل لی، اور اپنی اس حرکت پر نادم ہونے کے بجائےخوب ہسنے لگے۔

بیچاری مکھی کافی دیر سے صدر لوئس گوئلرمو کے منہ کے قریب اڑ رہی تھی، جسے انہوں نے بغیر کسی کراہت کے اطمینان کے ساتھ منہ میں ڈال کر نگل لیا۔

صدر کی اس اچانک بے ہودہ حرکت پر کئی افراد حیران تو کئی کراہت محسوس کرنے لگے۔ سماء