ہاتھ میں فریکچر کے باوجود پیانو بجانے والی 108 سالہ باہمت خاتون

June 11, 2019

شوق اور لگن ہو تو کوئی بھی کام کسی عمر میں بھی مشکل نہیں لگتا، اِس بات کو ثابت کیا ہے پولینڈ سے تعلق رکھنے والی ایک سو آٹھ سالہ دادی اماں نے۔

وانڈا زرزیکا نامی خاتون پیانو بجانے کی ایسی ماہر ہیں کہ دیکھنے اور سننے والے گرویدہ ہوجاتے ہیں۔ وہ روزانہ باقاعدگی کے ساتھ کچھ دیر پیانو بجا کر اپنا دل بہلاتی ہیں۔

اسی برس کی عمر میں ہاتھوں میں فریکچر کے بعد ڈاکٹروں نے ضعیف خاتون کو یہ کہا کہ وہ زندگی میں اب کبھی پیانو نہیں بجا سکیں گی تاہم انہوں نے ہمت نہ ہاری اور آج بھی روزانہ کی بنیاد پر اپنے شوق سے دل بہلاتی ہیں۔

سوشل میڈیا پر بھی وانڈا زرزیکا اس عمر میں اتنی مہارت کے ساتھ پیانو بجانے کی خوب دھوم مچی ہوئی ہے۔