وڈیو: تھائی لینڈ،ہاتھی لڑکی کو سونڈ میں دبا کر بھاگنے لگا

February 9, 2019

تھائی لینڈ میں خاتون کو ہاتھی کیساتھ تصویر لینا مہنگا پڑ گیا

تھائی لینڈ کی مارکیٹ میں موجود ہاتھی کے ساتھ نوجوان خاتون نے جیسے ہی کھڑے ہو کر تصویر لینی چاہی، تو ہاتھی نے اسے اپنی سونڈ سے اٹھا کر بھاگنا شروع کردیا۔

تھائی میڈیا کے مطابق 19 سالہ لڑکی سورن میں واقع مارکیٹ میں موجود تھی، جہاں اس نے ہاتھی کے ساتھ تصویر بنوانی چاہی، تاہم لڑکی جیسے ہی ہاتھی کے قریب آئی، چالاک ہاتھی نے اسے سونڈ میں دبالیا۔

ہاتھی نے غصے میں مارکیٹ میں لگے کئی اسٹالز کو بھی اپنے قدموں تلے روند ڈالا، موقع کی نزاکت دیکھتے ہوئے نزدیک موجود مہابت نے ڈنڈے سے شریر ہاتھی کی پٹائی کی تو اسے عقل آئی اور اس نے لڑکی کو اپنی سونڈ سے آزاد کردیا۔