Thursday, October 29, 2020  | 11 Rabiulawal, 1442
ہوم   > پاکستان

سیالکوٹ، نجی اسپتال میں نرس کی پراسرار موت

SAMAA | - Posted: Feb 7, 2020 | Last Updated: 9 months ago
SAMAA |
Posted: Feb 7, 2020 | Last Updated: 9 months ago

پنجاب کے ضلع سیالکوٹ کے نجی اسپتال میں زیرتربیت نرس پر اسرار طور پر  چھت سے گر کر جاں بحق ہوگئی۔ پولیس نے والد کی مدعیت میں قتل کا مقدمہ درج کرکے تفتیش شروع کر دی۔

سیالکوٹ کی تحصیل پسرور کے علاقہ کلاسوالہ روڈ پر واقع نجی اسپتال میں زیر تربیت اسماء نامی 18 سالہ نرس پرسرار طور پر  چھت سے گر کر جاں بحق ہوگئی جس کی لاش زیر تعمیر لفٹ کی خالی جگہ سے ملی۔

نرس کے والد کا کہنا ہے کہ اس کی بیٹی کو قتل کیا گیا ہے جبکہ اسپتال انتظامیہ کا موقف ہے کہ اسماء دیگر نرسز کے ساتھ تیسرے فلور پر رہائش پزیر تھی۔ ڈیوٹی ختم کرنے کے بعد چھت پر بنے ہاسٹل میں چلی گئی تھی۔ وہاں سے گرگئی ہے۔

والد نے واقعہ کی تفصیل بتاتے ہوئے کہا کہ اس کی بیٹی 4 ماہ سے پسرور کے النور اسپتال میں نرسنگ کر رہی تھیں اور اکثر تاخیر ہوجانے پر اسپتال میں ہی رک جاتی تھیں۔ گزشتہ روز 6 اور 7 فروری کی درمیانی شب وہ اسپتال میں رک گئیں۔ صبح اپنی بیٹی کیلئے ناشتہ لیکر اسپتال پہنچا تو بتایا گیا کہ آپ کی بیٹی کی لاش لفٹ کی جگہ پر پڑی ہے۔

پولیس نے والد کی مدعیت میں نامعلوم ملزمان کے خلاف قتل کا مقدمہ درج کرکے تفتیش شروع کر دی ہے۔

WhatsApp FaceBook

آپ کے تبصرے :

Your email address will not be published.

متعلقہ خبریں
WhatsApp FaceBook
 
 
 
مقبول خبریں
مقبول خبریں
 
 
 
 
 
Facebook Twitter Youtube