ٹچ اسکرین کس حد تک خطرنک ؟

By: Samaa Web Desk
September 8, 2017

ڈینور : ماہرین کے مطابق ٹچ اسکرین سے کھیلنے والے بچے نیند کی کمی کا شکار ہوتے ہیں۔

طبی ماہرین کی نئی تحقیق سے یہ بات سامنے آئی ہے کہ جو بچے اسمارٹ فونز سے کھیلتے ہیں ان کمسن بچوں میں نیند کی کمی کا سبب زیادہ ہوتا ہے۔

تحقیق کے مطابق جیسے جیسے بچوں کا اسمارٹ فونز، ٹیبلٹس یا آئی پیڈز سے کھیلنے کا دورانیہ بڑھتا جاتا ہے ویسے ویسے ان کی نیند کے دورانیے میں کمی آتی جاتی ہے۔

ٹچ اسکرین کا استعمال 24 گھنٹوں کے دوران کی جانے والی نیند کے دورانیہ میں 16 سے 20 منٹ کی کمی کردیتا ہے۔ بچوں کی بہتر ذہنی نشونما کے لیے نیند بہت اہم کردار ادا کرتی ہے، تاہم کم سونے سے ان کی ذہنی صلاحیت میں بھی کمی واقع ہوتی ہے۔

ماہرین کا کہنا ہے کہ موبائل کی اسکرین نیلے رنگ کی ہوتی ہیں اور یہ رنگ دیگر تمام رنگوں سے زیادہ توانائی کا حامل ہوتا ہے۔

موبائل کے استعمال سے بچے اور بڑے رات میں ایک پرسکون نیند سونے سے محروم ہوجاتے ہیں اور سونے کے دوران بار بار ان کی نیند میں خلل بھی پڑتا ہے۔ سماء

Email This Post
 

:ٹیگز

 

آپ کے تبصرے

Your email address will not be published.