Tuesday, November 30, 2021  | 24 Rabiulakhir, 1443

عامر نےپاکستان کی نمائندگی کےامکانات کومسترد کردیا

SAMAA | - Posted: Nov 25, 2021 | Last Updated: 5 days ago
SAMAA |
Posted: Nov 25, 2021 | Last Updated: 5 days ago

قومی کرکٹ ٹیم کے سابق فاسٹ بولر محمد عامر نے دوبارہ پاکستان کی نمائندگی کے امکانات کو مسترد کردیا۔

ٹی10 لیگ میں بنگلا ٹائیگرز کی نمائندگی کرنے والے محمد عامر نے ورچوئل پریس کانفرنس گفتگو کرتے ہوئے کہا کہ پی سی بی کی نئی منجمنٹ کے ساتھ کوئی رابطہ نہیں ہوا ہے اور جب کوئی کرے گا تو ریٹائرمنٹ پر فیصلہ واپس لینے کا سوچوں گا۔

قومی ٹیم میں عزت سے واپسی چاہتا ہوں تاہم خود سے ریٹائرمنٹ کا فیصلہ واپس نہیں لے رہا جبکہ یہ امکان بھی غلط ہے کہ میں جلد واپسی کررہا ہوں۔

انہوں نے کہا کہ فیملی کے ساتھ وقت گزار کر زندگی کا بھرپور لطف اٹھا رہا ہوں۔ لیگ کرکٹ کھیل کر انجوائے کرتا ہوں۔ دبئی کرکٹ کونسل کا پاک بھارت سیریز کی پیشکش کرنا خوش آئند ہے، اس حوالے سے دونوں حکومتوں کو بھی بات کرنی چاہیے۔

محمد عامر،ہربھجن سنگھ کی ٹوئٹر جنگ

محمد عامر کا موقف تھا کہ ورلڈکپ سیمی فائنل میں آسٹریلیا کے خلاف شکست کی وجہ حسن علی کے ڈراپ کیچ کو قرار دینا درست نہیں۔ حسن علی کا شمار بہترین فیلڈرز میں سے ہوتا ہے۔ کیچز ڈراپ ہونا کھیل کا حصہ ہے۔

سابق کرکٹر نے مزید کہا کہ کوہلی بلاشبہ بہترین بلےباز ہیں تاہم اسٹیون اسمتھ مشکل ترین بیٹسمین ہیں، اسمتھ کو بولنگ کرنا ہمیشہ ایک چیلنج رہا ہے۔

فاسٹ بولر محمد عامر کے مطابق ٹی10 کرکٹ میں بولنگ کرنا مشکل ہوتا ہے۔ ٹی 10 کرکٹ کو اولمپکس کا حصہ بنانے سے کھیل مقبول ہوگا۔

عامر نے کہا کہ کوویڈ-19 کو شکست دینے کے بعد کمزوری ہے لیکن پہلے سے بہت بہتر محسوس کر رہا ہوں۔

WhatsApp FaceBook
تازہ ترین
 
 
 
مقبول خبریں
مقبول خبریں
 
 
 
 
 
Facebook Twitter Youtube