Tuesday, November 30, 2021  | 24 Rabiulakhir, 1443

افغان خواتین کرکٹ ٹیم کےحوالے سےبڑا فیصلہ

SAMAA | - Posted: Nov 25, 2021 | Last Updated: 5 days ago
SAMAA |
Posted: Nov 25, 2021 | Last Updated: 5 days ago

انٹرنیشنل کرکٹ کونسل (آئی سی سی) کی پابندیوں سے بچنے کےلیے افغان کرکٹ بورڈ نے خواتین کرکٹ ٹیم کو بحال کرنے کا عندیہ دیدیا۔

افغان کرکٹ بورڈ کے چیئرمین میرواعظ اشرف کا کہنا ہے کہ خواتین کی کرکٹ انٹرنیشنل کرکٹ کونسل (آئی سی سی) کی اہم ضروریات میں سے ایک ہے اور وہ اسے پروموٹ کرنے کےلیے پر عزم ہیں۔

انہوں نے کہا کہ ہماری خواتین ٹیم معمول کے مطابق کرکٹ ایونٹ میں حصہ لےگی اور ہم انکی بنیادی ضروریات اور تمام سہولیات فراہم کرنے کےلیے کوشاں ہیں۔

میرواعظ نے کہا کہ افغان کرکٹ بورڈ آئی سی سی کےاصولوں کو مانتا اور انہیں اہمیت دیتا ہے۔

افغان کرکٹ بورڈ:آئی سی سی نےورکنگ گروپ تشکیل دیدیا

یاد رہے کہ آئی سی سی نے ایک ہفتہ قبل افغانستان میں طالبان کی حکومت اور خواتین کرکٹ ٹیم پر پابندی لگائے جانے کے بعد کرکٹ معاملات کا جائزہ لینے کےلیے ورکنگ گروپ تشکیل دیا تھا۔

اس گروپ میں کرکٹ آئرلینڈ کے چیئرمین راس میک کولم، کرکٹ جنوبی افریقہ کے چیئرمین لاسن نائیڈو اور پاکستان کرکٹ بورڈ کے چیئرمین رمیز راجا شامل تھے۔

اس سےقبل افغانستان میں طالبان کی حکومت آنے کے بعد خواتین کرکٹ ٹیم ختم کرنے کے اقدامات پر بات کی جارہی تھی جبکہ اس حوالے سے آئی سی سی کو بھی شدید تنقید کا سامنا تھا۔

افغان طالبان نےخواتین کےکھیلوں پرپابندی کاعندیہ دیدیا

دوسری جانب آسٹریلیا کرکٹ بورڈ نے خواتین پر پابندی لگنے کےبعد افغانستان کی مینز ٹیم سے ساتھ واحد شیڈول میچ منسوخ کردیا تھا۔

واضح رہے افغانستان کا آسٹریلیا کے ساتھ پہلا اور واحد تاریخی ٹیسٹ میچ 27 نومبر کو ہوبارٹ میں شیڈول تھا۔

WhatsApp FaceBook
تازہ ترین
 
 
 
مقبول خبریں
مقبول خبریں
 
 
 
 
 
Facebook Twitter Youtube