Monday, January 17, 2022  | 13 Jamadilakhir, 1443

اپوزیشن نے پنجاب حکومت کیخلاف کرکٹ سیریز 1-2 سےجیت لی

SAMAA | - Posted: Oct 9, 2021 | Last Updated: 3 months ago
SAMAA |
Posted: Oct 9, 2021 | Last Updated: 3 months ago

لاہور ميں پنجاب حکومت اور اپوزیشن کے درمیان کرکٹ سیریز اپوزیشن کے نام رہی۔

لاہور کے گورنر ہاؤس میں ہفتے کو صوبائی حکومت اور اپوزیشن کے درمیان بیسٹ آف تھری سیریز کھیلی گئی۔ یہ میچز چھ چھ اوور پرمشتمل تھے۔اپوزیشن نے کرکٹ سیریز میں حکومتی ٹیم کو شکست سےدوچار کردیا۔

پی ٹی آئی کے فیاض الحسن چوہان حکومتی ٹیم کے کپتان تھے جبکہ اپوزیشن ٹيم کے قیادت علی گیلانی نے کی۔ حکومت کو پہلے دونوں میچوں میں شکست کا سامنا کرنا پڑا۔

پہلےمیچ میں حکومتی ٹیم نے97رنزبنائے جبکہ اپوزیشن نے آسانی سے ہدف حاصل کرلیا۔ اپوزیشن کو آخری اوور میں 22 رنز درکار تھے اورقاسم لنگا نے پہلی چار گیندوں پر 4 چھکے لگائے اور میچ کو اپنی ٹیم کے نام کیا۔

دوسرے میچ میں حکومتی ٹیم نے 86رنزبنائے اور اپوزیشن نے یہ ہدف بھی آسانی سے حاصل کرلیا۔تیسرے میچ میں حکومتی ٹیم نے اپوزیشن کی ٹیم کو شکست دے دی تاہم سیریز دو ایک سے اپوزیشن کی ٹیم کے نام رہی۔

WhatsApp FaceBook
تازہ ترین
 
 
 
مقبول خبریں
مقبول خبریں
 
 
 
 
 
Facebook Twitter Youtube