Sunday, October 17, 2021  | 10 Rabiulawal, 1443

پی ایس ایل6: کراچی میں بقیہ میچزہونے کےامکانات معدوم

SAMAA | - Posted: May 7, 2021 | Last Updated: 5 months ago
SAMAA |
Posted: May 7, 2021 | Last Updated: 5 months ago

فوٹو: پی سی بی

پاکستان کرکٹ بورڈ اور فرنچائز مالکان نے پی ایس ایل6 کے بقیہ میچز متحدہ عرب امارات منتقل کرنے پر غور شروع ہوگیا جبکہ کراچی میں میچز کے امکانات معدوم ہوگئے۔

جمعہ کو پاکستان کرکٹ بورڈ اور فرنچائز مالکان کے درمیان ایک ورچوئل اجلاس ہوا جس میں لیگ کے انعقاد سے متعلق این سی او سی کی ہدایات کا تمام پہلوؤں سے جائزہ لیاگیا جبکہ لیگ کے انعقاد سے متعلق این سی او سی کی ہدایات کا تمام پہلوؤں سے جائزہ لیا۔

دونوں ممالک میں عید الفطر کی تعطیلات کا آغاز ہوچکا ہے جبکہ دورہ زمبابوے فورا بعد قومی ٹیم کو 23جون کو دورہ انگلینڈ پر روانہ ہونا ہے، لہٰذا پی سی بی اب اماراتی کرکٹ بورڈ کے ساتھ رابطہ کرکے ایونٹ کو منعقد کرنے پر تبادلہ خیال کرے گا۔

عیدالفطر کی تعطیلات کے دوران پی سی بی ٹورنامنٹ کے نئے شیڈول کی تیاری پر بھی کام کرے گا، اس دوران بورڈ پلیئنگ اور ٹریننگ سہولیات، ہوٹل کی بکنگ، گراونڈ پہنچنے کےلیے ٹرانسپورٹ اور ویزوں کے حوالے سے بھی انگلش کرکٹ بورڈ سے مکمل رابطے میں رہے گا۔

پاکستان کرکٹ بورڈ کے چیف ایگزیکٹو وسیم خان کا کہنا ہے کہ فرنچائز مالکان کے ساتھ آج کا اجلاس بہت اہم رہا، ہم نے کئی پہلوؤں کا جائزہ لیا، اس دوران متحدہ عرب امارات کا وینیو پہلی ترجیح بن کر سامنے آیا ہے تاہم ہمیں اب بھی کئی چیلنجز کا سامنا ہے۔ ہم پی ایس ایل6 کو کامیابی سے مکمل کرنے کےلیے پرعزم ہیں۔

قبل ازیں معروف صحافی عمر فاروق نے اپنے ٹویٹ میں اجلاس سے قبل انکشاف کیا تھا کہ پی سی بی کی نے کراچی میں بک کیے گئے407ہوٹلز کی بوکنگ ملتوی کردی ہے اور لیگ کو جلد متحدہ عرب امارات منتقل کیا جارہا ہے۔

WhatsApp FaceBook
تازہ ترین
 
 
 
مقبول خبریں
مقبول خبریں
 
 
 
 
 
Facebook Twitter Youtube