ہاکی کپ میں کھلاڑیوں کا جھگڑا، پی ایچ ایف کا سخت ایکشن

SAMAA | - Posted: Apr 3, 2021 | Last Updated: 3 months ago
SAMAA |
Posted: Apr 3, 2021 | Last Updated: 3 months ago

کھلاڑیوں نے دوران میچ مخالف ٹیم پر ہاکیاں اور لاتیں چلادیں

پاکستان ہاکی فیڈریشن نے کوئٹہ میں چیف منسٹربلوچستان ہاکی کپ میں کھلاڑیوں کےجھگڑے کا سخت نوٹس لیتے ہوئے ٹورنامنٹ ڈائریکٹر کی سفارش پر 1 کھلاڑی پر 10 سال،2 کھلاڑیوں اور 1 اسسٹنٹ کوچ مجاہد افضل پر پانچ پانچ سال کی پابندی لگا دی۔

گذشتہ ہفتےکوئٹہ چیف منسٹر ہاکی کپ کا سیمی فائنل جھگڑے کی نظر ہوگیا۔پنجاب کَلرز کی ٹیم کے کھلاڑیوں نے دوران میچ  مخالف ٹیم پر ہاکیاں اور لاتیں چلادیں۔

ٹورنامنٹ ڈائریکٹرانجم سعید نے انکوائری رپورٹ پاکستان ہاکی فیڈریشن کو بھجوا دی جس میں 3 کھلاڑی اور اسسٹنٹ کوچ ذمہ دار قرار دئیے گئے ہیں۔

رپورٹ کے مطابق جھگڑا کھیل کے 14ویں منٹ پر پنجاب کَلرز کو پینلٹی کارنر ملنے کے بعد شروع ہوا۔پنجاب کلرز کے کھلاڑی شفقت رسول نے مخالف ٹیم کے کپتان عماد بٹ کو ہاکی ماردی۔ پنجاب کَلرز کے کپتان ایم حسیب،کھلاڑی کاشف شاہ اور کامران ریاض بھی جھگڑے میں کود پڑے۔پنجاب کے اسسٹنٹ کوچ مجاہد افضل نے بھی ٹورنامنٹ ڈائریکٹرکوگالیاں دیں۔

تمام پابندیاں صدر پاکستان ہاکی فیڈریشن کے احکامات کی روشنی میں لگائی گئی ہیں۔ واقعے کی مزید انکوائری کے لیے 3 رکنی کمیٹی بھی بنا دی گئی ہے۔

WhatsApp FaceBook

آپ کے تبصرے :

Your email address will not be published.

متعلقہ خبریں
 
 
 
مقبول خبریں
مقبول خبریں
 
 
 
 
 
Facebook Twitter Youtube