Saturday, March 6, 2021  | 21 Rajab, 1442
ہوم   > کھیل

قلندرز کے ہاتھوں گلیڈی ایٹرز کو 9 وکٹوں سے شکست

SAMAA | - Posted: Feb 22, 2021 | Last Updated: 2 weeks ago
SAMAA |
Posted: Feb 22, 2021 | Last Updated: 2 weeks ago

فوٹو: پی سی بی

پاکستان سپر لیگ سیزن 6 کے چوتھے میچ میں لاہور قلندرز نے کوئٹہ گلیڈی ایٹرز کو 9 وکٹوں سے شکست دیدی۔

نیشنل اسٹیڈیم کراچی میں کھیلے گئے میچ میں لاہور قلندرز نے ٹاس جیت کر پہلے فیلڈنگ کا فیصلہ کیا، کوئٹہ گلیڈی ایٹرز نے مقررہ 20 اوورز میں 6 وکٹوں کے نقصان پر 178 رنز بنائے۔

پاکستان سپرلیگ: کب کیا ہوا

لاہور قلندرز نے 179 رنز ہدف کا تعاقب پراعتماد انداز سے کیا، اوپنر فخر زمان اور کپتان سہیل اختر نے 64 رنز کا بہترین آغاز فراہم کیا، سہیل اختر 24 رنز بنا کر زاہد محمود کا شکار بنے۔

لاہور نے ہدف 10 گیندوں قبل صرف ایک وکٹ کے نقصان پر بآسانی حاصل کرلیا، میچ کی خاص بات محمد حفیظ کی جارحانہ بیٹنگ تھی، انہوں نے 33 گیندوں پر 6 چھکوں اور 5 چوکوں کی مدد سے ناقابل شکست 73 رنز بنائے، اوپنر فخر زمان بھی 82 رنز بنا کر ناٹ آؤٹ رہے۔

کوئٹہ کے کپتان سرفراز احمد نے 6 کھلاڑیوں سے بولنگ کروائی تاہم لاہور کی واحد وکٹ زاہد محمود کے حصے میں آئی۔

پہلے بلے بازی کرتے ہوئے گلیڈی ایٹرز کے اوپنرز ناکام رہے نوجوان صائم ایوب 3 اور ٹام بینٹن 4 رنز بناسکے جبکہ اعظم خان 13، بین کٹنگ 5 رنز بناسکے۔

کوئٹہ کے کرس گیل نے شاندار بلے بازی کا مظاہرہ کرتے ہوئے 68 رنز کی اننگز کھیلی جبکہ کپتان سرفراز احمد 40 رنز بنائے اور ٹیم کا اسکور 178 رنز کے مجموعے تک پہنچادیا۔

اس سے قبل کوئٹہ گلیڈی ایٹرز ایونٹ کے افتتاحی میچ میں کراچی کنگز کیخلاف 20 فروری کو میچ ہار گئی تھی جبکہ لاہور قلندرز نے اپنے پہلے میچ میں پشاور زلمی کو شکست دی تھی۔

کوئٹہ گلیڈی ایٹرز کا اسکواڈ: سرفراز احمد (کپتان)، کرس گیل، ٹام بینٹن، اعظم خان، صائب ایوب، بین کٹنگ، محمد نواز، زاہد محمود، انور علی، محمد حسنین اور عثمان شنواری پر مشتمل تھا۔

لاہور قلندرز ایک کھلاڑیوں پر مشتمل ہے۔ سہیل اختر (کپتان)، فخر زمان، آغا سلمان، محمد حفیظ، بین ڈنک، سمیت پٹیل، ڈیوڈ ویزے، راشد خان، احمد دانیال، شاہین شاہ آفریدی اور حارث رؤف شامل تھے۔

WhatsApp FaceBook

آپ کے تبصرے :

Your email address will not be published.

متعلقہ خبریں
 
 
 
مقبول خبریں
مقبول خبریں
 
 
 
 
 
Facebook Twitter Youtube