Tuesday, June 22, 2021  | 11 ZUL-QAADAH, 1442

پی ایس ایل6: ٹکٹوں کی قیمتوں کا اعلان

SAMAA | - Posted: Feb 16, 2021 | Last Updated: 4 months ago
SAMAA |
Posted: Feb 16, 2021 | Last Updated: 4 months ago

فوٹو: فیس بک

پاکستان کرکٹ بورڈ (پی سی بی) نے نیشنل کمانڈ اینڈ آپریشن سنٹر کا 20 فیصد تماشائیوں کو اسٹیڈیم میں داخلے کی اجازت دینے کے فیصلے کے بعد لیگ میچز کے لیے ٹکٹوں کی قیمتوں کا اعلان کردیا گیا۔

پاکستان کرکٹ بورڈ (پی سی بی) کے مطابق کوالیفائر، دونوں ایلیمنٹرز اور فائنل کی ٹکٹوں کی قیمتوں کا اعلان بعد میں کیا جائے گا۔

ایونٹ کے لیگ میچز 20 فروری سے 16 مارچ تک کراچی اور لاہور میں جاری رہیں گے۔ 18 سے 22 مارچ تک کھیلے جانے والے پلے آف مرحلے کے لیے  ٹکٹوں کی تفصیلات ان میچز سے قبل جاری کردی جائیں گی۔

فوٹو: پی ایس ایل

کرکٹ شایقین کیلیے ایونٹ کے لیگ میچز کی ٹکٹیں (بک می ڈاٹ پی کے) پر دستیاب ہوں گی، ٹکٹنگ پارٹنر کی اس ویب سائٹ پر آن لائن ٹکٹوں کی فروخت بدھ کی صبح 10 بجے شروع ہوگی۔

بک می ڈاٹ پی کے نے فینز کی سہولت کے لیے ایک فون نمبر (03137786888) بھی مخصوص کردیا ہے، جہاں کوئی بھی شخص فون کال کر کے اپنا ٹکٹ خرید سکتا ہے۔ اس عمل کے لیےا پنا شناختی کارڈ نمبر اور فون نمبر دینا لازمی ہوگا۔ مذکورہ شخص کی ٹکٹ کنفرم کردی جائے گی تو اسے اپنے رجسٹرڈ کروائے گئے فون نمبر پر ایک ٹوکن نمبر بھیجا جائے گا، جس پر ایزی پیسہ یا جاز کیش کے ذریعے ٹکٹ کی رقم جمع کروائی جاسکے گی۔

پی ایس ایل6: ٹکٹوں کی فروخت تعطل کا شکار

رقم جمع کروانے پر مذکورہ شخص کو ایک ای ٹکٹ کوڈ بھجوایا جائے گا، جس کا پرنٹ یا ایس ایم ایس دکھا کر اسٹیڈیم میں داخلے کی اجازت ہوگی۔

پی سی بی نے نیشنل اسٹیڈیم کراچی اور قذافی اسٹیڈیم لاہور میں فیملیز کے لیے چند انکلوژرز مخصوص کردیے ہیں۔

نیشنل اسٹیڈیم کراچی میں فیملیز کے لئے مخصوص انکلوژرز:

 حنیف محمد (وی آئی پی انکلوژر) ، وسیم اکرم (پریمیئم انکلوژر) ، ظہیر عباس، اقبال قاسم اور نسیم الغنی (فرسٹ کلاس انکلوژرز) اور انتخاب عالم انکلوژر (جنرل)۔

قذافی اسٹیڈیم لاہور میں فیملیز کے لئے مخصوص انکلوژرز:

فضل محمود (وی آئی پی انکلوژر) ، سعید انور (پریمیئم انکلوژر) ، عبد القادر (فرسٹ کلاس انکلوژر) اور نذر ، قائد ، ظہیر عباس اور ماجد خان (جنرل انکلوژر)۔

پی ایس ایل6: غیرملکی کھلاڑیوں کی آمد کا سلسلہ شروع

ٹورنامنٹ کے افتتاحی میچ میں کراچی کنگز اور کوئٹہ گلیڈی ایٹرز کی ٹیمیں شام 7 بجے مدمقابل آئیں گی۔ اس میچ کیلیے وی آئی پی اسٹینڈز کے ٹکٹ کی قیمت 5 ہزار روپے مقرر کی گئی ہے، جبکہ فرسٹ کلاس اسٹینڈز کے ٹکٹ کی قیمت 4 ہزار روپے ہوگی۔ اسی طرح پریمیئم اسٹینڈز کے ٹکٹ کی قیمت 3 ہزار روپے رکھی گئی ہے جبکہ جنرل اسٹینڈز کے ٹکٹ کی قیمت 2ہزار  روپے طے کی گئی ہے۔

اتوار کے روز ڈبل ہیڈر میں لاہور قلندرز اور پشاور زلمی، اسلام آباد یونائیٹڈ اور ملتان سلطانز کے مابین میچز بالترتیب دوپہر 2 بجے اور شام 7 بجے شروع ہوں گے۔

پی ایس ایل 6: آن لائن ٹکٹوں کی بکنگ شروع

لاہور لیگ کا پہلا میچ 10 مارچ کو ہوگا،جہاں پشاور زلمی اور کراچی کنگز کی ٹیمیں مدمقابل آئیں گی۔ جہاں وی آئی پی اسٹینڈز کے ٹکٹ کی قیمت 3ہزار روپے ہوگی، فرسٹ کلاس اسٹینڈز کے ٹکٹ کی قیمت 2 ہزار روپے ہوگی،  پریمیئم اسٹینڈز کے ٹکٹ کی قیمت 1 ہزار روپے جبکہ جنرل اسٹینڈز کے ٹکٹ کی قیمت 500 روپے ہوگی۔

WhatsApp FaceBook

آپ کے تبصرے :

Your email address will not be published.

متعلقہ خبریں
 
 
 
مقبول خبریں
مقبول خبریں
 
 
 
 
 
Facebook Twitter Youtube