Tuesday, June 22, 2021  | 11 ZUL-QAADAH, 1442

سفری پابندیاں: ویمنز کرکٹ ٹیم کا دورہ زمبابوے ملتوی

SAMAA | - Posted: Feb 11, 2021 | Last Updated: 4 months ago
SAMAA |
Posted: Feb 11, 2021 | Last Updated: 4 months ago

فوٹو: پی سی بی

پاکستان کرکٹ بورڈ (پی سی بی) اور زمبابوے کرکٹ نے پاکستان ویمنز کرکٹ ٹیم کا دورہ زمبابوے ختم کرنے کا فیصلہ کرلیا۔

پی سی بی کے مطابق دونوں بورڈز نے مشترکہ فیصلہ ایمریٹس ایئرلائنز کی جانب سے جاری کردہ تازہ ترین سفری پالیسی کے اجراء کے بعد کیا۔ ایمریٹس ایئر لائنز پاکستان ویمنز کرکٹ ٹیم کی آفیشل ایئرلائن ہے۔

ابتدائی طور پر قومی خواتین کرکٹ ٹیم کو 21 فروری کو زمبابوے سے وطن واپس لوٹنا تھا۔ دونوں ممالک کی خواتین کرکٹ ٹیموں کے مابین سیریز کا پہلا میچ 9 فروری کو ہرارے میں کھیلا گیا تھا۔ سیریز کا دوسرا میچ 12 فروری کو کھیلا جانا تھا۔

ایمریٹس کی سفری پالیسی کے تحت ایئرلائن نے 13 سے 28 فروری تک ہرارے سے دبئی تک اپنا فلائیٹ آپریشن معطل کردیا ہے، جس کے بعد دونوں بورڈز کے اعلیٰ عہدیداران نے تبادلہ خیال کرتے ہوئے مشترکہ فیصلہ کیا ہے کہ پاکستان خواتین کرکٹ ٹیم 12 فروری کو ہرارے سے وطن واپس روانہ ہوجائے گی۔

پی سی بی کے چیف ایگزیکٹو وسیم خان نے کہا کہ ہم زمبابوے کرکٹ بورڈ کے تعاون اور صورتحال کو سمجھنے پر زمبابوے کرکٹ کے مشکور ہیں، پرامید ہیں کہ ہم اب کسی موقع پر اس اضافی دورے کو ضرور مکمل کریں گے۔

پاکستان کرکٹ ٹیم کو فیوچر ٹور پروگرام کے تحت اپریل میں زمبابوے کا دورہ کرنا ہے۔ 2 ٹیسٹ اور 3 ٹی20 انٹرنیشنل میچز پر مشتمل سیریز ابھی تک اپنے ابتدائی پلان کے مطابق شیڈول ہے تاہم پی سی بی اس دوران کوویڈ-19 کی صورتحال اور فلائیٹ آپریشن کا مسلسل جائزہ لیتا رہے گا۔

واضح رہے کہ قومی کرکٹ ٹیم کو 17 اپریل کو بلائیو روانہ ہونا ہے۔

WhatsApp FaceBook

آپ کے تبصرے :

Your email address will not be published.

متعلقہ خبریں
 
 
 
مقبول خبریں
مقبول خبریں
 
 
 
 
 
Facebook Twitter Youtube