ہوم   > کھیل

کروناوائرس:ہربھجن سنگھ فلاحی کاموں پر شاہد آفریدی کےمعترف

SAMAA | - Posted: Mar 25, 2020 | Last Updated: 2 weeks ago
SAMAA |
Posted: Mar 25, 2020 | Last Updated: 2 weeks ago

 

بھارتی اسپنر ہربھجن سنگھ بھی فلاحی کاموں میں بڑھ چڑھ کر حصہ لینے پر پاکستانی کرکٹر شاہد آفریدی کے متعرف ہوگئے، بوم بوم آفریدی نے تعریف پر بھارتی کرکٹر کا شکریہ ادا کرتے ہوئے کہا کہ انسانیت ہر چیز سے بڑی ہے۔

سابق بھارتی کرکٹر ہربھجن سنگھ نے ٹویٹر پر پیغام میں کرونا وائرس کے پھیلاؤ کو روکنے کیلئے کئے گئے لاک ڈاؤن کے دوران پاکستانی کرکٹر شاہد آفریدی کی جانب سے مستحق افراد میں راشن کی تقسیم پر انہیں خراج تحسین پیش کرتے ہوئے کہا کہ شاہد آفریدی عوام کیلئے بہترین کام کررہے ہیں، اس سے بڑھ کر کچھ نہیں۔

انہوں نے شاہد آفریدی کی غریبوں میں راشن تقسیم کرتے ہوئے تصاویر شیئر اور دعا کرتے ہوئے مزید لکھا کہ خدا ہم سب پر رحم کرے اور آپ کو مزید قوت عطا فرمائے۔

شاہد آفریدی نے بھی اپنے جوابی پیغام میں ہربھجن سنگھ کا شکریہ ادا کرتے ہوئے کہا کہ انسانیت سے بڑھ کر کچھ نہیں۔ ان کا کہنا تھا کہ کرونا وائرس کیخلاف جنگ میں پوری دنیا کو اکٹھا ہونا پڑیگا، عالمی وبا کا مل کر مقابلہ کرنا پڑیگا اور ساتھ ہی غریبوں کی مدد کرنا ہوگی۔

دنیا بھر میں کرونا وائرس سے تقریباً 20 ہزار افراد ہلاک ہوچکے ہیں جبکہ متاثرہ مریضوں کی تعداد 4 لاکھ 30 ہزار سے تجاوز کرچکی ہے، 13 ہزار سے زائد افراد کی حالت تشویشناک ہے۔

WhatsApp FaceBook

آپ کے تبصرے

Your email address will not be published.

متعلقہ خبریں
WhatsApp FaceBook
 
 
 
 
مقبول خبریں
مقبول خبریں
 
 
 
 
 
Facebook Twitter Youtube