ہوم   > کھیل

سرفراز احمد آؤٹ، اظہر علی اِن

SAMAA | - Posted: Oct 18, 2019 | Last Updated: 8 months ago
SAMAA |
Posted: Oct 18, 2019 | Last Updated: 8 months ago

سرفراز ٹی 20 میں بھی کپتان نہیں ہونگے

پاکستان کرکٹ بورڈ نے سرفراز احمد کو قومی ٹیم کی کپتانی سے ہٹادیا ہے۔

سرفراز احمد ڈھائی برس سے پاکستان کرکٹ ٹیم کے کپتان تھے۔ ان کی جگہ اظہر علی کو ٹیسٹ ٹیم کا کپتان مقرر کیا گیا ہے۔ سرفراز احمد ٹی 20 فارمیٹ میں بھی پاکستان کا کپتان نہیں ہونگے۔ بابر اعظم کو ٹی 20 فارمیٹ میں پاکستان کا کپتان مقرر کیا گیا ہے۔

آسٹریلیاء کے دورے میں اظہر علی پاکستان کی ٹیسٹ ٹیم کی قیادت کریں گےجبکہ بابر اعظم 3 میچوں کی ٹی 20 سیریز میں قومی ٹیم کی کمان سمبھالیں گے۔

اظہر علی نے کہا ہے کہ ٹیسٹ ٹیم کی قیادت کرنا فخر کی بات ہے۔ بابر اعظم کا کہنا تھا کہ ٹی 20 فارمیٹ میں سرفراز احمد کی کامیاب قیادت میں فتح کے سلسلے کو آگے لے کر جانا میری ذمہ داری ہوگی۔ سابق کپتان سرفراز احمد نے کہا ہے کہ پاکستان کی کرکٹ ٹیم کی قیادت کرنا اعزاز کی بات تھی۔ انھوں نے اظہرعلی اور بابر اعظم کے لیے نیک خواہشات کا اظہار کیا۔

سرفراز احمد کی کپتانی ميں پاکستان نے 13 ٹيسٹ کھيلے جن میں 4 جيتے اور 8 ہارے۔ انھوں نے 50 ون ڈے انٹرنیشنل میچز میں پاکستان کی قیادت کی جن میں سے 28 جيتے اور 20 ہارے۔ سرفراز احمد نے 37 ٹی ٹوئنٹی انٹرنیشنل میں پاکستان کی قیادت کی جن میں سے 29 جيتے اور 8 ہارے۔ ان کی کپتانی ميں پاکستان نے بھارت کو شکست دے کر چيمپئنز ٹرافی اپنے نام کی۔ سرفراز نے اپنی کپتانی ميں پاکستان کو ورلڈکپ کوالئیفانگ راؤنڈ کھيلنے سے بچايا۔

پی سی بی نے کہا ہے کہ سرفراز احمد کو ناقص پرفارمنس پر کپتانی سے ہٹايا گيا۔ ٹيسٹ کپتان اظہرعلی ساڑھے 3 بجے لاہور ميں پريس کانفرنس کرينگے۔ آسٹريليا کيخلاف ٹيسٹ اور ٹی 20 اسکواڈ کا اعلان 21 اکتوبر کو کيا جائے گا۔

WhatsApp FaceBook

آپ کے تبصرے

Your email address will not be published.

متعلقہ خبریں
WhatsApp FaceBook
Sarfraz ahmed,Sarfaraz Ahmed,Cricket,Pakistan,Pakistan Cricket,PCB,Captain,Azhar Ali
 
 
 
مقبول خبریں
مقبول خبریں
 
 
 
 
 
Facebook Twitter Youtube