ایشیز سیریز،لارڈز ٹیسٹ میں دونوں ٹیموں میں تبدیلی،آسٹریلیا کو ایک صفر کی برتری

August 13, 2019

انگلینڈ اور آسٹریلیا کے درمیان ایشز سیریز کا دوسرا ٹیسٹ کل بروز بدھ سے لارڈز میں شروع ہوگا۔ آسٹریلیا کو 5 میچز کی سیریز میں ایک صفر کی برتری حاصل ہے۔

ایشیز سیریز کے پہلے برمنگھم ٹیسٹ میچ میں انگلینڈ کو 251 رنز سے شکست ہوئی تھی۔ لارڈز کے میدان میں ہونے والے دوسرے ٹیسٹ میچ کے لیے دونوں ٹیموں نے تیاریاں مکمل کرلی ہیں۔

انگلینڈ نے لارڈز ٹیسٹ کےلئے 12 رکنی اسکواڈ کا اعلان کردیا ہے۔ انگلینڈ کی ٹیم سے انجرڈ فاسٹ بالر جیمز اینڈرسن باہر ہوگئے ہیں۔ ناقص پرفارمنس کے باعث معین علی کو ڈراپ کردیا گیا ہے۔ فاسٹ بالر جوفرا آرچر کرکٹ کے گھر لارڈز میں ٹیسٹ ڈیبیو کریں گے۔

آسٹریلیا بھی وننگ ٹیم میں تبدیلی کرے گی۔ فاسٹ بالر پیٹر سڈل یا جیمز پیٹن سن کی جگہ فاسٹ بالر مچل اسٹارک کی واپسی کا امکان ہے۔

پانچ میچوں کی سیریز میں مہمان ٹیم کو ایک صفر کی برتری حاصل ہے۔