انگلش پريميئرليگ ميں مانچسٹر يونائيٹڈ کا فاتحانہ آغاز،چیلسی کو شکست

August 13, 2019

انگلش پریمیئرلیگ میں مانچسٹر یونائیٹڈ نے چیلسی کو چار صفر سے شکست دے کر پہلی کامیابی حاصل کرلی۔

انگلش پریمیئرلیگ میں مانچسٹر یونائیٹڈ نے فاتحانہ آغاز کیا اور چیلسی کو آؤٹ کلاس کردیا۔ فاتح ٹیم کی جانب سے مارکوس ریشفورڈ نے کھیل کے اٹھارہویں منٹ میں گول کرکے کھاتہ کھولا۔

پہلے ہاف میں مانچسٹریونائیٹڈ کو ایک صفر کی برتری ملی۔ دوسرے ہاف میں مارکس رشفورڈ نے پنالٹی پر ایک اور گول داغ دیا۔ اس کے بعد انتھونی مارشل نے بھی گیند کو جال میں پہنچا کر برتری کو تین صفر کردیا۔

کھیل کے اکیاسی ویں منٹ میں متبادل کھلاڑی ڈینیل جیمز نے گول کردیا۔ یہ مانچسٹر یونائیٹڈ کی چیلسی کیخلاف 1965 کے بعد ریکارڈ کامیابی ہے۔