انٹرنیشنل کرکٹ کونسل نے سیاسی مداخلت کے باعث زمبابوے کرکٹ بورڈ کو معطل کردیا۔
آئی سی سی کی سالانہ کانفرنس میں اہم فیصلے ہوئے جہاں زمبابوے کرکٹ بورڈ کو معطل کرتے ہوئے ان کی رکنیت اور فنڈنگ بھی ختم کردی گئی ہے۔
زمبابوے کی ٹیم کسی آئی سی سی ایونٹ میں شرکت کی اہل نہیں جس کے بعد زمبابوے کی اگلے برس ٹی20ورلڈکپ کے کوالیفائرز میں شرکت مشکوک ہوگئی ہے ۔
آئی سی سی نے کرکٹ میں نئے قوانین کی بھی منظوری دے دی ، نئے قوانین کے مطابق سر پر گہری چوٹ لگنے پر متبادل کھلاڑی شامل کرنے کی اجازت ہوگی۔
آئی سی سی کے مطابق سلواوور ریٹ پر اب کپتان کو معطل نہیں کیا جائے گا، کپتان اورکھلاڑیوں پر ایک جیسے جرمانے ہوں گے۔
ورلڈ ٹیسٹ چیمپئن شپ میں سلواوورریٹ پر ٹیم فی اوور2پوائنٹس سے محروم ہوگی۔
