ہوم   > Latest

اگر مگر کا چکر، ورلڈ کپ کی فائنل 4 ٹیمیں کون سی ہوں گی؟

4 months ago

کرکٹ کو محنت کے ساتھ ساتھ قمست کا کھیل بھی کہا جاتا ہے، بعض اوقات جیت کے قریب آکر کوئی ٹیم ہار کا مزا چکھ لیتی ہے تو کئی بار ایسا بھی ہوا کہ یقینی شکست فتح میں تبدیل ہوجاتی ہے۔

پاکستان کرکٹ ٹیم کو معاملہ بھی کچھ ایسا ہی ہے جو توقعات کے برعکس کردکھانے میں پیش پیش رہتی ہے، 92 کے ورلڈ کپ کی طرح کرکٹ شائقین توقع رکھے ہوئے ہیں کہ ٹیم اس بار پھر سیمی فائنل تک رسائی حاصل کر لے گی۔

سیمی فائنل تک تو 4 ٹیمیں پہنچیں گی اور اس اگرمگر کے چکر میں گرین شرٹس کے بھی فائنل 4 میں ہونے کے چانسز ہیں۔ شاہينوں نے جنوبی افريقہ کو شکست دے کر کر ايک رکاوٹ تو عبورکرلی لیکن رن ریٹ ابھی تک منفی میں ہی چل رہا ہے جس کے لیے پاکستان کو اب اگلے تينوں ميچز جيتنا ہوں گے۔

تاحال پاکستان نے 6 ميچز کھیل کر 5 پوائنٹس حاصل کر رکھے ہیں جن میں انگلینڈ اور جنوبی افریقہ کیخلاف فتح کے 4 پوائنٹس اور بارش کے باعث سری لنکا کے ساتھ ب میچ نہ ہونے پر ملنے والا 1 پوائنٹ شامل ہے۔ پوائنٹس ٹیبل پرپاکستان کا ساتواں نمبر ہے۔

پاکستان کرکٹ ٹیم کے اگلے 3 میچز 26 جون کو نیوزی لینڈ، 29 کو افغانستان اور 5جولائی بنگلہ دیش کے ساتھ شیڈول ہیں اور اگر سیمی فائنل میں جگہ بنانی ہے تو ہر صورت میں تینوں میچز جیتنے ہوں گے۔

سيمي فائنل تک جانے کےلئے اگر سرفراز اليون نے اگلے 3 میچز جیت لیے تو پاکستان کے 11 پوائنٹس ہوجائيں گے۔

دوسری جانب سیمی فائنل کیلئے بھارت اور نيوزی لينڈ کي پوزيشن مضبوط ہے جبکہ افغانستان کو شکست دیکر بنگلاديش بھی اس دوڑ ميں شامل ہے۔

اگرمگر کي صورتحال کا جائزہ لیں تو پاکستان کي راہ ميں سب سے بڑي رکاوٹ انگلينڈ اور آسٹريليا ہیں، کینگروز اگر اپنے تینوں میچ ہارے تو گرین شرٹس کو فائدہ پہنچے گا ، اسی طرح سے انگلينڈ کو بھی مزيد 2 ميچز میں شکست ہوئی تو اس صورت میں بھی پاکستان فائنل 4 ميں جگہ بنا لے گا۔

 

آپ کے تبصرے

Your email address will not be published.

 
متعلقہ خبریں
 
 
 
 
 
 
 
 
مقبول خبریں