Monday, September 28, 2020  | 9 Safar, 1442
ہوم   > Latest

ویرات کوہلی نے اسٹیو اسمتھ سے معافی مانگ لی

SAMAA | - Posted: Jun 10, 2019 | Last Updated: 1 year ago
SAMAA |
Posted: Jun 10, 2019 | Last Updated: 1 year ago

تصویر: اے ایف پی

آئی سی سی ورلڈ کپ میں بھارتی کپتان ویرات کوہلی نے گزشتہ روز آسٹریلوی کھلاڑی اسٹیو اسمتھ کے ساتھ ہونے والی بدتمیزی پر ان سے معافی مانگ لی ۔ بھارتی شائقین کے نامناسب رویے پر کوہلی کو شرمندگی سے دوچار ہونا پڑا تھا۔

گزشتہ روزبھارت اور آسٹریلیا کے درمیان کھیلے جانے والے میچ کے دوران باؤنڈری کے پاس کھڑے ہو کر فیلڈنگ کرنے والے اسٹیو اسمتھ کیخلاف بھارتی شائقین نے خوب جملے بازی کی تھی۔

چیٹر ، چیٹر جیسی نامناسب آوازیں سن کر کوہلی باؤنڈری کے پاس جا پہنچے اور بھارتی شائقین کو اسٹیو کیلئے تالیاں بجانے اور خاموش ہوجانے کا کہا۔اس بات پر اسٹیو اسمتھ نے کوہلی سے ہاتھ ملایا اور تھپکی بھی دی۔

بعد ازاں میچ ختم ہونے پر بھارتی کپتان نے ناروا سلوک پر آسٹریلوی کرکٹر سے شائقین کی جانب سے معذرت بھی کی۔ کوہلی کا کہنا تھا کہ میں نہیں چاہتا ورلڈ کپ کے دوران بھارتی شائقین کی جانب سے کوئی منفی مثال قائم کی جائے۔

کوہلی نے پریس کانفرنس میں کہا کہ جو ہونا تھا وہ ہو چکا، اب اسٹیو کرکٹ میں واپسی کے بعد پوری محنت سے کھیل رہے ہیں۔ اگر مجھ سے ایسی غلطی سرزد ہوئی ہوتی تو میں معافی مانگتا لیکن اس کے بعد بھی کوئی مجھے تنقید کا نشانہ بناتا تو مجھے بہت برا لگتا۔

یاد رہے کہ سابق آسٹریلوی کپتان اسٹیو اسمتھ سال 2018 میں بال ٹیمپرنگ پر ایک سال کی پابندی کا سامنا کر چکے ہیں۔

WhatsApp FaceBook

آپ کے تبصرے

Your email address will not be published.

متعلقہ خبریں
WhatsApp FaceBook
 
 
 
مقبول خبریں
مقبول خبریں
 
 
 
 
 
Facebook Twitter Youtube