پاکستانی کرکٹرز ورلڈکپ کے دوران بیگمات کو ساتھ نہیں رکھ سکیں گے،پی سی بی

May 24, 2019

قومی کرکٹ ٹیم کے کھلاڑیوں کے ساتھ ان کی بیگمات اور بچے ورلڈ کپ کے دوران قیام نہیں کرسکیں گے، پی سی بی نے دورے میں بیگمات کو ساتھ رکھنے پر پابندی لگا رکھی ہے۔

کھلاڑیوں کا فوکس کھیل پر رکھنے کیلئے پی سی بی نے اہم فیصلہ کیا ہے۔ ایونٹ کے دوران کھلاڑیوں پر بیگمات اور اہل خانہ کو ساتھ رکھنے پر پابندی ہوگی۔ کرکٹ ویب سائٹ "کرک انفو" کے مطابق صرف مڈل آرڈربیٹسمین حارث سہیل کو ذاتی وجوہات کی بناء پر اجازت دی گئی ہے۔

عموما کھلاڑی غیرملکی دوروں کے دوران بیوی بچوں کو ساتھ لے کر جاتے ہیں۔ سال 2017 میں ہونے والی چیمپئنز ٹرافی کے دوران بھی کھلاڑیوں کی بیگمات ان کے ہمراہ تھیں۔