ورلڈ کپ ٹرافی کی رونمائی، سرفراز سمیت تمام کپتانوں کی پریس کانفرنس

May 23, 2019

آئی سی سی ورلڈ کپ میں شریک تمام 10 ٹیموں کے کپتانوں کی پریس کانفرنس ہوئی جس میں انگلینڈ کو فیورٹ قرار دے دیا گیا۔ کرکٹ قائدین کہتے ہیں اس بار کانٹے کا مقابلہ ہوگا۔

انگلینڈ میں کرکٹ کا عالمی میلہ سج گیا، چمچماتی ٹرافی کے ساتھ تمام کپتانوں نے پریس کانفرنس کی، سب سے پہلے میزبان ملک کے کپتان اوئن مورگن اسٹیج پر آئے، تالیوں کی گونج میں سرفراز احمد کا استقبال ہوا، باری باری تمام ٹیموں کے کپتان اسٹیج پر براجمان ہوئے۔

اوئن مورگن کا کہنا تھا کہ ورلڈ کپ جیتنا ہر کسی کا خواب ہوتا ہے، خواہش ہے کرکٹ کے گھر پر فائنل کھیلیں۔

بھارتی کپتان ویرات کوہلی بولے کہ فارمیٹ کی وجہ سے اس بار ایونٹ بہت مشکل ہوگا۔

پاکستان ٹیم کے کپتان سرفراز احمد نے کہا تمام ٹیمیں تگڑی ہے، اچھی کرکٹ کھیلنے کو ملے گی۔

تمام ٹیموں نے انگلینڈ کو فیورٹ قرار دیا، پریس کانفرنس کے اختتام پر ٹرافی کے ساتھ کپتانوں کا فوٹو شوٹ بھی ہوا۔