ورلڈ کپ کے حوالے سے قومی کرکٹرز کے ويڈيو پيغامات جاری

May 22, 2019

تصویر: پی سی بی ٹویٹر

پاکستان کرکٹ بورڈ نے ورلڈ کپ کے حوالے سے قومی کرکٹرز کے ویڈیو پیغامات جاری کردئیے۔کپتان سرفرازاحمد کہتے ہیں کہ ورلڈ کپ ہیرو بناتا ہے،کارکردگی دکھا کر جیتنے کی کوشش کرینگے۔

ورلڈکپ کے حوالے سے کرکٹرز کے ویڈیو پیغامات جاری کئے گئے ہیں۔ کپتان سرفراز احمد کا کہنا ہے کہ ورلڈکپ ہیرو بناتا ہے،جیتنے کی کوشش کریں گے۔

شعیب ملک نے کہا کہ ورلڈ کپ میں پاکستان کی نمائندگی الفاظ میں بیان نہیں کرسکتا۔ محمد حفیظ کا کہنا تھا کہ کیرئیر میں ورلڈکپ جیتنا خواہش ہے۔

فاسٹ بالر محمد حسنین نے کہا کہ پی ایس ایل والی کارکردگی دہرانے کی کوشش کروں گا۔ حسن علی کا کہنا تھا کہ ورلڈکپ کی شرٹ پہن کر فخرمحسوس کررہا ہوں۔

اوپنر فخر زمان نے کہا کہ چیمپیئنز ٹرافی 2017 کے بعد میری زندگی بدل گئی۔ امام الحق نے امید ظاہر کی کہ ورلڈکپ کا آغاز ہی سنچری کیساتھ کرنے کی کوشش کروں گا۔