معروف ریسلر مقابلہ جیتنے کی چاہ میں زندگی ہار گئے

May 13, 2019

 

ڈبلیو سی ڈبلیو کے سابق معروف ریسلر سلور کنگ فائٹ کے دوران جان کی بازی ہار گئے۔

میکسیکن پہلوان سلور کنگ فائٹ کے دوران جان کی بازی ہار گئے، انہوں نے 1985ء میں دنیائے ریسلنگ میں قدم رکھا تھا، لندن میں ہونیوالی فائٹ سلور کنگ کی زندگی کا آخری مقابلہ ثابت ہوا، جسے جیتنے کی چاہ میں وہ زندگی ہار گئے، فائٹ کے دوران سلور کنگ کو دل کا دورہ پڑا جو جان لیوا ثابت ہوا۔

میکسیکن ریسلر سیزر بیرون (سلور کنگ) نے ہالی ووڈ فلم ''ناچو لبرے'' میں اداکاری کے جوہر بھی دکھائے تھے،

لندن میں ریسلنگ مقابلے کے دوران وہ رنگ میں گر گئے، وہ بے سدھ پڑے رہے جبکہ حریف ریسلر اپنی فتح کا جشن مناتا رہا، واقعے کے 5 منٹ بعد ایمبولینس موقع پر پہنچی لیکن سلور کنگ اس سے پہلے ہی دم توڑ چکے تھے۔