پاکستان اور آسٹریلیا کے درمیان ڈے نائٹ سیریز رواں سال ہوگی

April 19, 2019

آسٹریلوی ذرائع ابلاغ سے جاری خبروں کے مطابق پاکستان نے آسٹریلیا میں ٹیسٹ سیریز کھیلنے کیلئے حامی بھر لی ہے۔ میڈیا رپورٹس کے مطابق دونوں ملکوں کے درمیان سیریز کے شیڈول کا اعلان بعد میں کیا جائے گا۔

میڈیا رپورٹس کے مطابق پاکستان اور آسٹریلیا کے درمیان سیریز کے شیڈول کا باقاعدہ اعلان بعد میں کیا جائے گا۔ قومی کرکٹ ٹیم آسٹریلیا کے خلاف 2 ٹیسٹ اور 3 ٹی ٹوئنٹی میچز کھیلے گی۔

 

رپورٹ کے مطابق دونوں ممالک کے درمیان ڈے اینڈ نائٹ ٹیسٹ میچز رواں سال ایڈیلیڈ میں ہوگا۔ مصنوعی روشنیوں میں ہونے والے ان میچز میں پنک گیند استعمال ہوگی۔ سیریز کیلئے اسکواڈ کا اعلان بعد میں کیا جائے گا۔

 

یہاں یہ بات بھی قابل ذکر ہے کہ اگر ایسا ہوا تو یہ پہلی بار ہوگا کہ مکمل ٹیسٹ سیریز ڈے اینڈ نائٹ ہوگی۔ رپورٹس میں یہ بھی کہا گیا ہے کہ دونوں ممالک کے درمیان سیریز نومبر میں ہونے کا امکان ہے۔ ایک ٹیسٹ میچ ایڈیلیڈ اور دوسرا برسبین میں ہوگا۔

 

اس سے قبل بھارتی کرکٹ ٹیم نے ایڈیلیڈ میں ڈے اینڈ نائٹ میچز کھیلنے سے انکار کیا تھا۔