ویڈیو:کرائسٹ چرچ حملہ،بنگلادیشی ٹیم کومسجد کے عقبی راستے سے نکالا

March 15, 2019

بنگلہ دیشی اوپنر تمیم اقبال نے واقعہ کے فوری بعد سوشل میڈیا پر پیغام میں کہا ہے کہ فائرنگ کے افسوسناک واقعے میں خوش قسمتی سے ہم تمام کھلاڑی محفوظ رہے۔ انہوں نے اپنے مداحوں سے دعاؤں کی درخواست بھی کی۔

سماجی رابطے کی سائٹ ٹوئٹر پر اپنی اور ٹیم کی خیریت دیتے ہوئے بنگلادیشی کرکٹر تمیم اقبال کا کہنا تھا کہ یہ ایک خوف ناک تجربہ تھا، تاہم میں اور پوری ٹیم محفوظ ہے۔

 

دوسری جانب ایک اور بنگلہ دیشی کھلاڑی مشفق الرحیم نے اپنے ٹوئٹر ہینڈل پر بتایا کہ کرائسٹ چرچ کی مسجد میں پیش آئے فائرنگ کے دلخراش واقعے میں خوش قسمتی سے ہم تمام کھلاڑی محفوظ رہے۔

 

انہوں نے کہا کہ اللہ ہم سب کی حفاظت فرمائے اور آئندہ کبھی ایسی صورت حال کا دوبارہ سامنا نہ ہو، ساتھ ہی انہوں نے عوام سے دعا کی اپیل بھی کی۔

 

حملے کے بعد دونوں کرکٹ ٹیموں کے مابین ہونے والا تیسرا ٹیسٹ میچ منسوخ کردیا گیا ہے۔ ٹیسٹ میچ منسوخ کرنے کا فیصلہ بنگلادیش اور کیویز کرکٹ بورڈ نے کیا۔ دونوں ٹیموں کے مابین تیسرا ٹیسٹ میچ ہفتہ سے کرائسٹ چرچ میں شروع ہونے والا تھا۔