پاکستانی ٹیم بھارت کو ہرانے کی صلاحیت رکھتی ہے، انضمام الحق

Samaa Web Desk
September 11, 2018

انضمام الحق کہتے ہیں کہ پاکستانی ٹیم ایشیا کپ میں بھارت اور سری لنکا کو ہرانے کی صلاحیت رکھتی ہے۔

کرکٹ ٹیم کے چیف سلیکٹر انضمام الحق کہتے ہیں سرفراز نے اپنی کپتانی میں ٹیم کو متحد کیا ہے، متحد ہو کر کھیلنا ہماری طاقت ہے، ایشیا کپ کیلئے جانیوالے تمام لڑکے فٹ ہیں اور بہترین کارکردگی دکھائیں گے۔

انہوں نے مزید کہا کہ تمام ٹیموں کیلئے ایک جیسی کنڈینشز ہیں، دوسری ٹیموں کی نسبت ہم شارجہ میں زیادہ کھیلے ہیں، پاکستانی ٹیم بھارت اور سری لنکا کو ہرانے کی صلاحیت رکھتی ہے۔

قومی کرکٹ ٹیم ایشیا کپ میں شرکت کیلئے یو اے ای پہنچ چکی ہے، جہاں شاہینوں کا روایتی حریف بھارت سے 19 ستمبر کو ٹکراؤ ہوگا۔