کوئٹہ گلیڈی ایٹرز کے غیر ملکی کھلاڑی واپس روانہ

March 21, 2018

لاہور : پشاور زلمی سے شکست کے بعد کوئٹہ گلیڈی ایٹرز کے غیر ملکی کھلاڑی وطن واپس روانہ ہوگئے ہیں۔

پاکستان سپر لیگ تھری کے الیمنیٹر راؤنڈ میں پشاور زلمی کے ہاتھوں شکست کھانے کے بعد کوئٹہ گلیڈی ایٹرز کے غیر ملکی کھلاڑی اپنے اپنے ملک واپس روانہ ہوگئے۔

سرفراز احمد کی کوئٹہ گلیڈی ایٹرز تیسرے ایڈیشن کے فائنل میں جگہ نہ بناسکی اور ایلیمنیٹر کے سنسنی خیز میچ میں پشاور زلمی کے ہاتھوں شکست کے بعد ایونٹ سے باہر ہوگئی۔

گلیڈی ایٹرز کی ٹیم کا کہنا ہے کہ میچ کا حصہ بننے والے غیر ملکی کھلاڑی کرس گرین، رلی روسو، تھسارا پریرا، ٹام کوہلر اور محمود اللہ اپنے اپنے وطن واپس روانہ ہوگئے ہیں۔