Thursday, January 27, 2022  | 23 Jamadilakhir, 1443

جس ملک کا نظام آئین کےمطابق نہ ہووہ ملک ترقی نہیں کرتا،شاہدخاقان

SAMAA | - Posted: Dec 7, 2021 | Last Updated: 2 months ago
SAMAA |
Posted: Dec 7, 2021 | Last Updated: 2 months ago

سابق وزیراعظم شاہد خاقان عباسی نے کہا ہے کہ جس ملک کا نظام آئین کے مطابق نہ ہو وہ ملک ترقی نہیں کرتا ہے اور جب تک آئینی نظام میں مداخلت ختم نہیں ہوگی تب تک یہ ملک صحیح نہیں ہوگا۔

منگل کو اسلام آباد کی احتساب عدالت کے باہر صحافیوں سے بات کرتےہوئے سابق وزیراعظم شاہد خاقان عباسی نے کہا کہ ملک میں احتساب کے نظام کی حالت آپ دیکھ سکتے ہیں،نیب نے جو قوانین بنائے ہیں، ان کا عدالت کو بھی علم نہیں ہے۔ نیب کے تیسرے آرڈیننس کا مطلب صرف حکومت کو این آر او دینا تھا۔

انھوں نے کہا کہ نئے آرڈیننس کےتحت مخصوص وقت تک کے فیصلے درست اور اس سے پہلے والے غلط ہیں۔ قانون میں ثابت ہوگیا ہے کہ وزیراعظم عمران خان اپنی چوری بچا رہا ہے۔

سابق وزیراعظم نے کہا کہ چئیرمین نیب خود ڈیلی ویج پر ہیں۔ صدر مملکت آنکھیں بند کرکے آرڈیننس پر دستخط کرتے رہتے ہیں لیکن 4 ماہ سے چئیرمین نیب کی تعیناتی پر فیصلہ نہیں کرسکے۔

ملکی صورتحال پر انھوں نے کہا کہ ملک کے بدترین حالات کی قیمت عوام ادا کررہے ہیں اور اس سلسلے میں کوئی پوچھنے والا یا بات کرنے والا نہیں ہے۔ جہاں نظام آئین کے مطابق نہ ہو وہ ملک ترقی نہیں کرتا ہے۔

اپوزیشن سے متعلق لیگی رہنما کا کہنا تھا کہ پارلیمنٹ سے مستعفی ہونے اور عدم اعتماد کی تحریک کا آپشن بھی موجود ہے تاہم یہ وقت پر استعمال کیا جائے گا۔ جب تک آئینی نظام میں مداخلت ختم نہیں ہوگی تب تک یہ ملک صحیح نہیں ہوگا۔

WhatsApp FaceBook
تازہ ترین
 
 
 
مقبول خبریں
مقبول خبریں
 
 
 
 
 
Facebook Twitter Youtube