Tuesday, January 25, 2022  | 21 Jamadilakhir, 1443

کراچی: تجاوزات کیخلاف کارروائیاں جاری،غیرقانونی ہوٹل مسمار

SAMAA | - Posted: Dec 1, 2021 | Last Updated: 2 months ago
SAMAA |
Posted: Dec 1, 2021 | Last Updated: 2 months ago

کراچی میں بلدیہ عظمیٰ نے تجاوزات کے خلاف کارروائی کرتے ہوئے غیر قانونی طور پر تعمیر دکانیں اور ہوٹل مسمار کردیئے۔

بلدیہ عظمی کراچی کے محکمہ انسداد تجاوزات کی جانب سے بدھ یکم دسمبر کو شہر کے 2 اضلاع میں تجاوزات کے خلاف آپریشن کیا گیا۔ آپریشن ضلع وسطی میں لیاقت آباد سپر مارکیٹ اور ضلع شرقی میں گرومندر چورنگی لسبیلہ چورنگی پر کیا گیا۔

آپریشن کی نگرانی محکمہ انسداد تجاوزات کے سینیر ڈائریکٹر بشیر صدیقی نے کی۔ آپریشن میں دکانوں کے سامنے بنائے گئے چبوترے، سیڑھیوں، دیواروں، سن شیڈ کو مسمار کیا گیا، جب کہ مختلف اقسام کی تجاوزات جیسے کیبن ہوٹل کا سامان، کرسیاں، میزیں، تخت لوہے کے اسٹال، پنکچر بنانے کا سامان، مرغیوں کے پنجرے، ٹھیلے، پتھارے اور دیگر تجاوزات کو ختم کیا گیا۔

اس موقع پر بلدیہ عظمی کراچی کے محکمہ انسداد تجاوزات نے اسسٹنٹ کمشنر، علاقہ پولیس، رینجرز، اینٹی اینکروچمنٹ، پولیس، سٹی وارڈن اور دیگر اداروں کی ٹیمیں بھی موقع پر موجود رہیں۔

واضح رہے کہ سپریم کورٹ کے احکامات پر کراچی کے ساتوں اضلاع میں تجاوزات کے خلاف روزانہ کی بنیاد پر کارروائیاں جاری ہیں۔

WhatsApp FaceBook
تازہ ترین
 
 
 
مقبول خبریں
مقبول خبریں
 
 
 
 
 
Facebook Twitter Youtube