Wednesday, January 26, 2022  | 22 Jamadilakhir, 1443

سعودی عرب سے 3ارب ڈالر قرض کی منظوری

SAMAA | - Posted: Nov 27, 2021 | Last Updated: 2 months ago
SAMAA |
Posted: Nov 27, 2021 | Last Updated: 2 months ago
DOLLAR_NEW_1

فوٹو: آن لائن

وفاقی کابينہ نے سعودی عرب سے تين ارب ڈالر قرض کی منظوری دے دی جو پاکستان کو آئندہ ہفتے مل جائیں گے۔

وزير اطلاعات و نشریات فواد چوہدری کے مطابق سعودی عرب سے تين ارب ڈالرز ملنے کے بعد ملکی زرمبادلہ کے ذخائر 20 ارب ڈالر ہو جائیں گے۔

گزشتہ روز فواد چوہدری نے اپنی ٹویٹ میں بتایا تھا کہ سعودی عرب سے تین ارب ڈالر کی منتقلی سے متعلق تمام قانونی معاملات طے ہوگئے اور یہ رقم اس ہفتے پاکستان کو مل جائیں گے۔

واضح رہے کہ گزشتہ مہینے وزیراعظم عمران خان کے دورے کے بعد سعودی عرب نے پاکستان کے لیے ایک معاشی پیکج کا اعلان کیا تھا۔

اعلان کے مطابق سعودی ترقیاتی فنڈ غیر ملکی کرنسی کے محفوظ اثاثوں میں سپورٹ اور کرونا وبا سے نمٹنے کے لیے اسٹیٹ بینک آف پاکستان میں 3 ارب ڈالر جمع کروائے گا۔

واضح رہے 26 اکتوبر کو سعودی عرب نے پاکستان کو کرونا وبا کی وجہ سے پیدا ہونے والے معاشی بحران سے نمٹنے اور پاکستان کے زرمبادلہ کے ذخائر کو سہارا دینے کے لیے چار ارب 20کروڑ ڈالر دینے کا اعلان کیا تھا۔

سعودی ترقیاتی فنڈ نے پاکستان کو سالانہ ایک ارب 20 کروڑ ڈالر مالیت کا تیل دینے اور اسٹیٹ بینک آف پاکستان کے پاس تین ارب ڈالر جمع کروانے کا اعلان کیا۔

اُس وقت وفاقی وزیر توانائی حماد اظہر نے اپنی ٹویٹ پیغام میں کہا تھا کہ اس تیل کے لیے پاکستان کو فوری طور پر ادائیگی بھی نہیں کرنی ہوگی اور یہ سہولت موخر ادائیگی کی صورت میں دستیاب ہوگی۔

اُن کا کہنا تھا کہ سعودی ترقیاتی فنڈ کے ان اقدامات سے قیمتوں کی عالمی سطح پر اضافے سے پاکستان کی درآمدات اور زرمبادلہ کے ذخائر پر جو دباو پڑا ہے اس سے نمٹنے میں مدد ملے گی۔

 گزشتہ دنوں پاکستان میں ڈالر کی قیمت میں مسلسل اضافہ دیکھنے میں آیا اور ڈالر تاریخ کی بلند ترین سطح 178.30 روپے تک ٹریڈ کیا جس سے درآمدی بل میں بھی اضافہ ہوا۔

WhatsApp FaceBook
تازہ ترین
 
 
 
مقبول خبریں
مقبول خبریں
 
 
 
 
 
Facebook Twitter Youtube