Wednesday, January 19, 2022  | 15 Jamadilakhir, 1443

نوازشریف صرف اپنی بیٹی کوپاکستان سے نکالناچاہتے ہیں،اعتزاز

SAMAA | - Posted: Nov 25, 2021 | Last Updated: 2 months ago
SAMAA |
Posted: Nov 25, 2021 | Last Updated: 2 months ago

پاکستان پیپلز پارٹی کے سینئیر رہنما بیرسٹرچوہدری اعتزاز احسن نے کہا ہے کہ نوازشریف صرف اپنی بیٹی کو یہاں سے نکالنا چاہتے ہیں اور وہ خود کبھی پاکستان نہیں آئیں گے۔

سماء کو خصوصی انٹرویو دیتے ہوئے اعتزازاحسن نے بتایا کہ شہبازشریف اسٹیبلشمنٹ کے قریب ہونے کی کوشش کرتے رہتے ہیں لیکن اسٹیبلشمنٹ کا اُن سے یہی مطالبہ ہے کہ پہلے نواز شریف کو واپس لائیں۔

اعتزازاحسن نے دعویٰ کیا کہ میاں نوازشریف کبھی واپس نہیں آئیں گے۔ پیپلزپارٹی رہنما نے کہا کہ پاکستان سے 40 گنا زیادہ نواز شریف کی دولت باہر ہے اور نوازشریف  صرف اپنی بیٹی کو یہاں سے نکالنا چاہتے ہیں۔

انھوں نے کہا کہ اسٹیبلشمنٹ کے لیے بھی پیپلز پارٹی اب واحد آپشن ہے۔ بلاول کے سوا کسی سے ہاتھ ملانا اسٹیبلشمنٹ کو وارا نہیں ہوگا۔ موجودہ حالات پر انھوں نے کہا کہ پی ٹی آئی حکومت پٹڑی سے بالکل اترگئی ہے اور موجودہ حکومت نے پاکستان کو ناقابل گورننس بنا دیا ہے۔3 سال میں شدت پسند عناصر کو چھوٹ دے دی گئی۔

اپنےسیاسی کیرئیر سے متعلق ان کا کہنا تھا کہ پیپلزپارٹی میری جماعت اور میرا خاندان ہے،اپنی جماعت میں وقتاً فوقتاً رائے دیتا رہتا ہوں۔

WhatsApp FaceBook
تازہ ترین
 
 
 
مقبول خبریں
مقبول خبریں
 
 
 
 
 
Facebook Twitter Youtube