Thursday, January 20, 2022  | 16 Jamadilakhir, 1443

سندھ کے نجی اسکولوں کی اصلاح کیلئے حکومت کے اہم فیصلے

SAMAA | - Posted: Nov 23, 2021 | Last Updated: 2 months ago
SAMAA |
Posted: Nov 23, 2021 | Last Updated: 2 months ago

حکومت سندھ کے محکمہ تعلیم نے ضروری سہولتیں نہ رکھنےوالے نجی اسکولوں کے خلاف کارروائی کا فیصلہ  کرلیا۔

محکمے کے مطابق اس فیصلے کے تحت ایسے نجی اسکول کے خلاف کارروائی ہوگی جس میں لیبارٹری، لائبریری اور میدان نہیں ہوگا۔

اس حوالے سے محکمہ تعلیم نے پہلے مرحلے میں صوبے کے درجنوں اسکولوں کی نشاندہی کے بعد انہیں نوٹس بھی جاری کر دیے ہیں۔

محکمے کا کہنا ہے کہ سندھ کے 50 فیصد نجی اسکولوں میں قوائد کےمطابق سہولیات موجود نہیں جن میں لیبارٹری، لائبریری اور کھیل کے میدان بھی شامل ہیں۔

علاوہ ازیں محکمہ تعلیم نے یہ بھی فیصلہ کیا ہے کہ رجسٹریشن نہ کرانے والے اسکولوں پر یومیہ 500 روپےجرمانہ عائد کیا جائے گا۔

دریں اثناء صوبے کے عوام نے حکومت کے اس فیصلے کو سراہتے ہوئے کہا کہ گو صوبے کا محکمہ تعلیم کئی دہائیوں بعد جاگا ہے لیکن پھر بھی دیر آید درست آید کے مصداق یہ بھی بہت غنیمت ہے۔ عوام نے امید ظاہر کی ہے کہ اگر اس فیصلے پر بجا طور عملمدرآمد ہوا تو صوبے کے تعلیمی ماحول میں بہتری رونما ہونے کے امکانات روشن ہوں گے۔

WhatsApp FaceBook
تازہ ترین
 
 
 
مقبول خبریں
مقبول خبریں
 
 
 
 
 
Facebook Twitter Youtube