Sunday, January 16, 2022  | 12 Jamadilakhir, 1443

کراچی: سستے داموں ڈالر خریدناعراق سےآئے تاجرکو مہنگا پڑگیا

SAMAA | - Posted: Nov 23, 2021 | Last Updated: 2 months ago
Posted: Nov 23, 2021 | Last Updated: 2 months ago

 

کبھی کبھار ڈالر یا کوئی بھی غیر ملکی کرنسی مارکیٹ سے خاصے سستے داموں لینا گلے پڑجاتا ہے اور ایسی لین دین کرنے والے کو بھاری نقصان کا سامنا کرنا پڑتا ہے۔

ایسا ہی کچھ کراچی ميں عراق سے آئے ایک تاجر کے ساتھ ہوا جنہوں نے ڈالر سستے داموں لینے کی ایک ڈیل کی لیکن انہیں فائدے کی بجائے الٹا نقصان ہوگیا اور وہ بھی چھوٹا موٹا نہیں بلکہ 50 لاکھ روپے کا۔

ہوا کچھ یوں کہ ڈالر بیچنے والے جعلسازوں نے تاجر کو نوٹ تو اصلی دکھائے لیکن جب ڈیلوری کی تو وہ نقلی نکلے اور ظاہر ہے اس کے بعد وہ گروہ منظر عام سے غائب بھی ہوگیا۔

تاجر نے پولیس میں رپورٹ لکھوائی جس پر دھوکے بازی سمیت دیگردفعات کےتحت مقدمہ درج کرلیا گیا۔ بہرحال تاجر کی قسمت کچھ بہتر نکلی کہ پولیس نے کارروائی بھی کی اور گلشن حديد کے علاقے سے 2 ملزم گرفتار بھی کرلیے تاہم ایک خاتون سمیت 3 ملزمان فرار ہونے میں کامیاب ہوگئے۔ مزید تفتیش فی الحال جاری ہے۔

WhatsApp FaceBook
تازہ ترین
 
 
 
مقبول خبریں
مقبول خبریں
 
 
 
 
 
Facebook Twitter Youtube