Tuesday, January 18, 2022  | 14 Jamadilakhir, 1443

ریسکیو ایمرجنسی سروس پر فیک کالز کی بوچھاڑ

SAMAA | - Posted: Nov 16, 2021 | Last Updated: 2 months ago
SAMAA |
Posted: Nov 16, 2021 | Last Updated: 2 months ago

فیصل آباد ميں ريسکيو سروسز نے غیرضروری کالز کرنے والوں کے خلاف قانونی کارروائی کا فيصلہ کرليا ہے۔

حکام کے مطابق ریسکیوایمرجنسی سروس پرغیرضروری کالزکےانبار ہوتے ہیں جو وقت کے ضیاع کا باعث بنتے ہیں۔

انہوں نے بتایا کہ ایمرجنسی سروس پر آنے والی فون کالز 95 فیصد جعلی ہوتی ہیں اور صرف 5 فیصد ہی درست کالز ہوتی ہیں۔

اس صورتحال سے نپٹنے کے لیے انتظامیہ نے فضول فون کال کرنے والوں کے خلاف مقدمات درج کرنے کا فیصلہ کیا ہے۔

حکام کا کہنا ہے کہ ریسکیو ایکٹ کے مطابق مقدمات کا اندراج شروع کر رہے ہیں جس میں ملزمان کو 6 ماہ تک قید اور 50 ہزار روپے جرمانے کی سزا ہو سکتی ہے۔

گھر میں بیٹھے ریسکیو کا غیر ضروری نمبر ڈائل کرنے والے شائد اس بات سے لاعلم ہیں کہ ان کی غلط معلومات یا تھوڑی سی تفریح کسی شخص کی جان بھی لے سکتی ہے۔

یوسف چیمہ

WhatsApp FaceBook
تازہ ترین
 
 
 
مقبول خبریں
مقبول خبریں
 
 
 
 
 
Facebook Twitter Youtube