Saturday, January 22, 2022  | 18 Jamadilakhir, 1443

کوئٹہ میں پولیس موبائل کے قریب دھماکا

SAMAA | - Posted: Nov 13, 2021 | Last Updated: 2 months ago
Posted: Nov 13, 2021 | Last Updated: 2 months ago

کوئٹہ کے علاقے نواں کلی میں پولیس اسکواڈ کے قریب دھماکے میں پولیس اہلکار سمیت 6 افراد زخمی ہوگئے۔

پولیس کے مطابق دھماکا نواں کلی بازار میں ہوا، جہاں معمول کے مطابق ایگل اسکواڈ گشت پر موجود تھا۔

دھماکے سے اسکواڈ میں شامل اہل کار، بازار میں خریداری کیلئے موجود 4 خواتین اور ایک راہ گیر مرد زخمی ہوئے۔ زخمیوں کو فوری طبی امداد کیلئے سول اسپتال منتقل کردیا گیا ہے۔

دھماکے کے بعد سیکیورٹی فورسز نے علاقے کو گھیرے میں لے لیا۔ جب کہ واقعہ کی اطلاع ملتے ہی بم ڈسپوزل اسکواڈ بھی موقع پر پہنچ گیا۔

سیکیورٹی حکام کے مطابق دھماکا خیز مواد موٹر سائيکل ميں نصب کیا گیا تھا، جسے ٹائم ڈيوائس کے ذریعے اڑایا گیا۔

دھماکا خیز مواد 4 کلو گرام کا تھا، جس میں بال بیئرنگ بھی شامل تھے۔ فی الحال کسی تنظیم کی جانب سے دھماکے کی ذمہ داری قبول نہیں کی گئی ہے۔

WhatsApp FaceBook
تازہ ترین
 
 
 
مقبول خبریں
مقبول خبریں
 
 
 
 
 
Facebook Twitter Youtube