Wednesday, December 8, 2021  | 3 Jamadilawal, 1443

ریپ کے مجرم کو نامرد بنانا غیراسلامی قرار

SAMAA | - Posted: Oct 27, 2021 | Last Updated: 1 month ago
SAMAA |
Posted: Oct 27, 2021 | Last Updated: 1 month ago

اسلامی نظریاتی کونسل نے ریپ کے مجرم کو سزا کے طور پر نامرد بنانے کی مخالفت کردی ہے ۔

اسلامی نظریاتی کونسل کا 225 واں دو روزہ اجلاس منعقد ہوا جس میں فوج داری قانون (ترمیمی) آرڈیننس 2020ء کے تحت ریپ کے مجرم کی آختہ کاری یعنی نامرد بنانے کے قانون کو غیر اسلامی قرار دیا اور رائے دی کہ اس کی جگہ متبادل مؤثر سزائیں تجویز کی جائیں۔

یاد رہے کہ گزشتہ برس ستمبر میں حکومت نے ریپ کے مجرموں کو نامرد بنانے کا قانون لانے کا فیصلہ کیا تھا، وزیراعظم عمران خان نے ایسے مجرموں کو نامرد بنانے کے لیے قانون کی منظوری دی تھی جس کے بعد وفاقی وزیر فیصل واوڈا نے بل کے ڈرافٹ پر کام شروع کردیا تھا ۔

اسلامی نظریاتی کونسل کے اجلاس میں تعلیمی اداروں میں عربی لازم کرنے کے بل 2020ء کی تائید کرتے ہوئے کونسل نے قرار دیا کہ عربی زبان کی تدریس کے لیے اقدامات کرنا دینی اور آئینی تقاضا ہے، کونسل نے یہ بھی تجویز دی کہ ثانوی تعلیمی اداروں میں بطور اختیاری مضمون فارسی ، ترکی اور چینی زبان کو بھی نصاب میں شامل کیا جائے۔

کونسل نے ائمہ کرام سے بھی اپیل کی کہ وہ مساجد میں ماحولیات اور شجرکاری کے حوالے سے خطبات جمعہ اور دروس میں اسلامی تعلیمات بیان کریں۔

WhatsApp FaceBook
تازہ ترین
 
 
 
مقبول خبریں
مقبول خبریں
 
 
 
 
 
Facebook Twitter Youtube