Monday, December 6, 2021  | 30 Rabiulakhir, 1443

نالہ متاثرین کی بحالی،سپریم کورٹ نے وزیراعلیٰ سندھ کی رپورٹ مسترد کردی

SAMAA | - Posted: Oct 27, 2021 | Last Updated: 1 month ago
SAMAA |
Posted: Oct 27, 2021 | Last Updated: 1 month ago
CM Sindh Murad Ali Shah

فوٹو: آن لائن

سپریم کورٹ کراچی رجسٹری نے تجاوزات کیس کا تحریری حکم نامہ جاری کرتےہوئے نالہ متاثرین کی بحالی سے متعلق وزیراعلیٰ سندھ کی رپورٹ مسترد کردی ہے۔

سپریم کورٹ نے تجاوزات کیس کے تحریری فیصلے میں کہا ہے کہ عدالت بار بار واضح کرچکی ہے کہ بحریہ ٹاؤن فنڈز کا فیصلہ عملدرآمد بینچ ہی کرے گا۔ وزیراعلیٰ سندھ  نے عدالت کو بتایا کہ صوبائی کابینہ نے متاثرین کی بحالی کے لیے رقم کی منظوری دی ہے۔

وزیراعلیٰ سندھ نے نالہ متاثرین کو2 سال میں بحالی کی یقین دہانی کروائی ہے۔ سپریم کورٹ نے وزیراعلیٰ سندھ  کو اپنے بیان پرعمل درآمد کرانے کی ہدایت کی۔ نالہ متاثرین کو انفراسٹرکچر پانی، بجلی، گیس سمیت تمام سہولیات فراہم کرنے کی ہدایت بھی کی گئی ہے۔

سپریم کورٹ نے تحریری حکم نامہ میں کہا ہے کہ کے ڈی اے، کے ایم سی، ایس بی سی اے جیسے ادارے ناکارہ ہوچکے ہیں اور شہر کو چلانے والے اداروں کا حال بدتر ہوچکا ہے۔

سپریم کورٹ کراچی رجسٹری کاشہرکےنالوں پرتجاوزات آپریشن جاری رکھنےکا حکم

سپریم کورٹ نے کہا کہ افسران کی تیزی سے ٹرانسفر اور پوسٹنگ سے بھی معاملات خراب ہورہے ہیں۔ وزیراعلیٰ سندھ نے بتایا کہ افسران کی کمی کی وجہ سے اضافی چارج اور تبادلہ کرنا پڑتا ہے،صوبے میں گریڈ سے 17 سے 21 تک کے افسران کی شدید کمی ہے اور وفاق افسران کی کمی پورے کرنے کے لیے تعاون نہیں کررہا ہے۔ سپریم کورٹ نے اٹارنی جنرل کومعاملات حل کرنے کی ہدایت کی ہے۔

WhatsApp FaceBook
تازہ ترین
 
 
 
مقبول خبریں
مقبول خبریں
 
 
 
 
 
Facebook Twitter Youtube