Tuesday, January 18, 2022  | 14 Jamadilakhir, 1443

وزیراعظم وفاقی وزراء کوبلوچستان میں مداخلت سے بازرکھیں، جام کمال

SAMAA | - Posted: Oct 24, 2021 | Last Updated: 3 months ago
Posted: Oct 24, 2021 | Last Updated: 3 months ago

وزیراعلیٰ بلوچستان جام کمال خان نے وزیراعظم عمران خان کو اپنے بعض وفاقی وزراء کو بلوچستان میں مداخلت سے باز رکھنے کا مشورہ دیدیا۔ کہتے ہیں کہ اگر اپوزیشن نے ناراض ارکان کے ساتھ مل کر حکومت بنائی تو وہ حزب اختلاف میں بیٹھیں گے۔

وزیراعلیٰ بلوچستان جام کمال خان نے ٹویٹر پر وزیراعظم عمران خان کو مشورہ دیا ہے کہ پی ٹی آئی کے بعض وفاقی وزراء کو بلوچستان کے اندرونی معاملات میں مداخلت سے روک کر صوبائی قیادت کو ذمہ دارانہ کردار ادا کرنے کی اجازت دیں۔

انہوں نے کہا کہ صوبائی ترقی متاثر ہوئی تو ذمہ دار پی ڈی ایم، پی ٹی آئی، چند مافیا اور ناراض ارکان ہوں گے، 2 ماہ ميں کئی چيزيں واضح اور چہرے عياں ہوگئے، بااصول اچھی ساکھ والے افراد لالچی، طاقت کے بھوکے اور سازشی نکلے۔

جام کمال خان نے صوفی بزرگ ابن العربی کی پوسٹ شیئر کی جس پر لکھا تھا کہ ’’ہوسکتا ہے منافقت بازی لے جائے لیکن آخرت سچے لوگوں کی ہے‘‘۔

وزیراعلیٰ بلوچستان نے کہا کہ اپنا اختیار بی اے پی اور اتحادیوں کو دیدیا، ناراض ارکان اور اپوزیشن حکومت بناتے ہیں تو ہم اپوزیشن میں بیٹھیں گے۔

دوسری جانب سابق وزیراعلیٰ نواب ثناء اللہ زہری ناراض اور اپوزیشن ارکان کے کیمپ میں شامل ہوگئے۔

بی اے پی لائرز فورم نے قائمقام صدر ظہور بلیدی پر اعتماد کا اظہار کردیا۔

وزیراعلیٰ بلوچستان جام کمال کیخلاف عدم اعتماد کی قرارداد پر رائے شماری کل (25 اکتوبر) دن 11 بجے بلوچستان اسمبلی میں ہوگی۔

WhatsApp FaceBook
تازہ ترین
 
 
 
مقبول خبریں
مقبول خبریں
 
 
 
 
 
Facebook Twitter Youtube