Wednesday, October 27, 2021  | 20 Rabiulawal, 1443

آصف زرداری کی نیب ریفرنس میں بریت کی درخواست مسترد

SAMAA | - Posted: Oct 14, 2021 | Last Updated: 2 weeks ago
SAMAA |
Posted: Oct 14, 2021 | Last Updated: 2 weeks ago

احتساب عدالت نے آصف علی زرداری کی جانب سے نیب ریفرنس میں بریت کی درخواست خارج کردی۔ سابق صدر نے 8 ارب روپے کی مشکوک ٹرانزیکشن کے ریفرنس میں نئے نیب آرڈیننس کے تحت بریت کی درخواست دائر کی تھی۔

احتساب عدالت تھری کے جج سید اصغر علی نے درخواست کے قابل قبول ہونے پر دونوں فریقوں کے دلائل سننے کے بعد فیصلے کا اعلان کیا۔

آصف علی زرداری ذاتی طور پر اپنے وکیل فاروق ایچ نائیک کے ہمراہ احتساب عدالت میں پیش ہوئے۔

کارروائی کے دوران فاروق ایچ نائیک نے جج سے درخواست کی کہ وہ اپنے مؤکل کی بریت کی درخواست پر فیصلہ کریں۔

انہوں نے مؤقف اختیار کیا کہ یہ لین دین ایک نجی معاملہ ہے جو نئے آرڈیننس کے تحت نیب کے دائرہ اختیار میں نہیں آتا۔

انہوں نے اس بات کی نشاندہی کی کہ ریفرنس میں ان کے مؤکل کیخلاف اختیارات کے ناجائز استعمال یا غیر قانونی رقم وصول کرنے کا کوئی الزام نہیں ہے۔ فاروق ایچ نائیک نے عدالت سے استدعا کی کہ بریت کی درخواستوں پر قومی احتساب بیورو سے رائے طلب کی جائے۔

مدعا علیہان کے دلائل سننے کے بعد احتساب عدالت کے جج نے سابق صدر آصف زرداری کی بریت کی درخواست مسترد کردی۔

عدالت سے باہر میڈیا سے گفتگو میں ایک صحافی کے سوال کے جواب میں سابق صدر آصف علی زرداری نے کہا کہ اگلی باری پیپلز پارٹی کی ہوگی، ہمارا مؤقف ہے کہ حکومت ہی نااہل ہے۔

WhatsApp FaceBook
تازہ ترین
 
 
 
مقبول خبریں
مقبول خبریں
 
 
 
 
 
Facebook Twitter Youtube