Thursday, October 28, 2021  | 21 Rabiulawal, 1443

ایڈمنسٹریٹرکراچی کی ممکنہ بارشوں کی پیش نظرہنگامی اقدامات کی ہدایت

SAMAA | - Posted: Sep 14, 2021 | Last Updated: 1 month ago
SAMAA |
Posted: Sep 14, 2021 | Last Updated: 1 month ago

ایڈمنسٹریٹر کراچی اور ترجمان سندھ حکومت مرتضیٰ وہاب نے بلدیاتی اداروں کو ممکنہ بارشوں کےپیش نظر ہنگامی اقدامات کرنے کی ہدایت کردی۔

ایڈمنسٹریٹر کراچی مرتضی وہاب کی صدارت میں اعلیٰ سطحی اجلاس ہوا، جس میں کراچی کے ساتوں اضلاع کے ڈپٹی کمشنرز، ایڈمنسٹریٹرز، میونسپل کمشنرز اور فوکل پرسنز کے ساتھ علیحدہ علیحدہ شرکت کی۔

ایڈمنسٹریٹر کراچی نے ممکنہ بارشوں کےپیش نظر ہدایات جاری کرتے ہوئے حکم دیا کہ تمام اضلاع اپنے اپنے علاقوں میں برساتی پانی کی نکاسی کا انتظام کریں، عملے اور مشینری کو تیار حالت میں رکھا جائے تاکہ بارش کی صورت میں فوری کارروائی عمل میں لائی جاسکے۔

انہوں نے کہا کہ تمام اضلاع کے افسران آپس میں باہمی رابطے کے ذریعے کاموں میں رکاوٹیں دور کریں اور شہر کے لئے مل کر کام کریں، ایڈمنسٹرز برساتی نالوں کی صفائی کی نگرانی کریں اور بارش ہونے کی صورت میں پانی کی نکاسی کو یقینی بنائیں۔

مرتضیٰ وہاب نے کہا کہ وہ بذاتِ خود شہر کی سڑکوں پر ہونگے اور تمام اضلاع کی انتظامیہ اور بلدیاتی ادارے بھی سڑکوں پر ہونے چاہئیں، بارش کی صورت میں ٹریفک کی روانی کو بحال رکھنے کیلئے بھی ہنگامی اقدامات کیے جائیں۔

انہوں نے بلدیاتی اداروں کی تعریف کرتے ہوئے کہا کہ گزشتہ دنوں ہونے والی بارشوں میں اداروں نے بہتر کام کیا۔

WhatsApp FaceBook
تازہ ترین
 
 
 
مقبول خبریں
مقبول خبریں
 
 
 
 
 
Facebook Twitter Youtube