Wednesday, December 1, 2021  | 25 Rabiulakhir, 1443

خاتون سب انسپکٹرکواغوا،ریپ کی کوشش کرنےوالا ملزم گرفتار

SAMAA | - Posted: Sep 5, 2021 | Last Updated: 3 months ago
SAMAA |
Posted: Sep 5, 2021 | Last Updated: 3 months ago

مظفرگڑھ میں تفتیش کے لیے پولیس اسٹیشن آنے والی پنجاب پولیس کی جینڈر کرائم آفیسر کو مبینہ طور پر اسلحے کے زور پر اغواء کرنے کے بعد ریپ کرنے کی کوشش کرنے والے ملزم کو گرفتار کرلیا گیا۔

پولیس کے مطابق مظفرگڑھ کے تھانہ صدر میں جینڈر کرائمز کی تفتیش کے لیے لیڈی سب انسپکٹر رکشے میں آرہی تھی کہ تھانہ صدر اور ڈی پی او ہاؤس سے چند قدم کے فاصلے پر کار سوار ملزم نے مبینہ طور پر خاتون آفیسر کو اسلحے کے زور پر اغواء کیا اور ملزم نے چمن بائی پاس کے قریب باغات میں لے جا کر لیڈی سب انسپکٹر کو اسلحہ کے زور پر مبینہ طور پر زیادتی کرنے کی کوشش کی۔

پولیس کے مطابق اس دوران ملزم لیڈی سب انسپکٹر کو تشدد کا نشانہ بھی بناتا رہا، واقعے کے بعد لیڈی سب انسپکٹر کو ملزم موقع پر ہی چھوڑ کر فرار ہوگیا۔

جینڈر کرائم آفیسر کو زخمی حالت میں ڈی ایچ کیو اسپتال مظفرگڑھ منتقل کیا گیا۔

پولیس کا کہنا ہے کہ متاثرہ پولیس آفیسر کا میڈیکل کروایا جارہا ہے، تھانہ سٹی میں اغواء، تشدد اور ریپ کرنے کی کوشش کی دفعات کے تحت مقدمہ درج کرکےملزم کو گرفتار کرلیا گیا ہے۔

WhatsApp FaceBook
تازہ ترین
 
 
 
مقبول خبریں
مقبول خبریں
 
 
 
 
 
Facebook Twitter Youtube