Wednesday, October 27, 2021  | 20 Rabiulawal, 1443

گوادر میں 35 قیمتی باز اسمگل کرنے کی کوشش ناکام

SAMAA | - Posted: Aug 25, 2021 | Last Updated: 2 months ago
SAMAA |
Posted: Aug 25, 2021 | Last Updated: 2 months ago

بلوچستان کے ضلع گوادر میں ایف سی اور محکمہ جنگلی حیات نے مشترکہ کارروائی کرتے ہوئے نایاب پرندوں کی اسمگلنگ کی کوشش ناکام بنادی، 35 قیمتی باز برآمد کرلئے گئے۔

رپورٹ کے مطابق گودار میں ایف سی اور محکمہ وائلڈ لائف نے خفیہ اطلاع پر مشترکہ کارروائی کرکے سمندری راستے سے بیرون ملک قیمتی بازوں کی اسمگلنگ کی کوشش ناکام بنادی۔

سیکیورٹی اداروں نے کارروائی کے دوران 35 اعلیٰ نسل کے باز برآمد کرکے اپنے قبضے میں لے لئے، ان بازوں کو جیونی زیرو پوائنٹ کے مقام پر ڈپٹی کنزرویٹر فاریسٹ اینڈ وائلڈ لائف یار محمد بلوچ، سی او، ایف سی 88 ونگ لیفٹیننٹ کرنل کاشف اور اسسٹنٹ کمشنر گوادر کیپٹن راجہ اطہر عباس کی موجودگی میں آزاد کردیا گیا۔

حکام کے مطابق برآمد ہونیوالے پرندوں کو خیبرپختونخوا سے اسمگل کرکے جیونی پہنچایا گیا تھا، جنہیں سمندری راستے سے خلیجی ممالک اسمگل کرنا تھا۔

ایف سی حکام کے مطابق کارروائی کے دوران برآمد کئے گئے سائبیریا سے آنے والے مہمان شکاری پرندوں کی خلیجی ممالک میں قیمت کروڑوں روپے ہے۔

WhatsApp FaceBook
تازہ ترین
 
 
 
مقبول خبریں
مقبول خبریں
 
 
 
 
 
Facebook Twitter Youtube