Monday, January 24, 2022  | 20 Jamadilakhir, 1443

عمررسیدہ خاتون غیرت کےنام پرشوہرکےہاتھوں قتل

SAMAA | - Posted: Aug 17, 2021 | Last Updated: 5 months ago
SAMAA |
Posted: Aug 17, 2021 | Last Updated: 5 months ago

FSD child abuse

کراچی کے علاقے ملیر میمن گوٹھ میں شوہر نے بیٹے کے ساتھ مل کر اپنی 65 سالہ بیوی اور پڑوسی کوغیرت کے نام پر قتل کردیا۔

پولیس کے مطابق ملزم نے کاروکاری کا الزام لگا کر اپنی بیوی کو کلہاڑی کے وار کرکے موت کے گھاٹ اتارديا قتل کی واردات ميں مقتولہ کے شوہر کے ساتھ علاوہ ان کا سوتيلا بيٹا بھی شريک تھا جو اب تک قانون کی گرفت ميں نہيں آسکا ہے جبکہ مرکزی ملزم گرفتار کرلیا گیا ہے۔

سترہ مارچ دوہزاراکيس کو بیوی کو قتل کرنے کے بعد مبینہ قاتل میر ہزار نے 13 اگست کو پڑوسی اللہ بخش کو بھی قتل  کرديا۔

ملزم نے دعویٰ کیا ہے کہ اس نے اپنی بیوی کو گناہ کرتے آنکھوں سے دیکھا جس پر اس نے کلہاڑی سے بیوی کے کندھے اور سر پر وار کیا۔ اس نے بتایا کہ اس موقع پر اس کا بیٹا دروازے پر کھڑا تھا تاکہ کوئی اندر داخل نہ ہو۔ اس نے مزید بتایا کہ اس واقعے کے بعد وہ گاؤں میں تھا کہ اسے پتہ چلا اس کے بیٹے نے پڑوسی کو ماردیا۔

پولیس اس بات کا جائزہ لے رہی ہے کہ آیا کاروکاری کے نام پر 65 سالہ خاتون کے قتل کے پيچھے کوئی اور وجوہات تو نہیں۔ ملزم سے اب تک آلہ قتل برآمد نہیں ہوا ہے۔ دیگر نامزد افراد کی تلاش جاری ہے۔

WhatsApp FaceBook
تازہ ترین
 
 
 
مقبول خبریں
مقبول خبریں
 
 
 
 
 
Facebook Twitter Youtube