Saturday, January 22, 2022  | 18 Jamadilakhir, 1443

کراچی: عامل بابا کا بیٹی سمیت قتل

SAMAA | - Posted: Aug 17, 2021 | Last Updated: 5 months ago
SAMAA |
Posted: Aug 17, 2021 | Last Updated: 5 months ago

کراچی کے علاقے ملیر میں تعویز گنڈے کرنے والے عامل کو بیٹی سمیت قتل کر دیا گیا۔

پولیس کا کہنا ہے کہ قتل میں وہ شخص ملوث ہے جس کی  والدہ  مقتول عامل سے علاج کرانے کے دوران  ہلاک ہو گئی تھی.

حملہ آورگزشتہ شب ساڑھے تین بجے میمن گوٹھ ملیر میں واقع عامل غلام حیدر کے گھر میں داخل ہوئے اور اسی کمرے میں جا کر فائرنگ کردی جہاں مقتول اور اس کے اہل خانہ سو رہے تھے۔

فائرنگ کے نتیجے میں غلام حیدر اور اس کی بیٹی بشریٰ موقع پر ہی دم توڑ گئی تھی جبکہ 12 سالہ لڑکی زخمی ہوئی۔ پولیس نے عامل غلام حیدر کے گھر سے شواہد  جمع کر لیے ہیں۔ پولیس کو شبہہ ہے کہ فریدہ نامی ایک خاتون کا غلام حیدر کے ہاتھوں علاج کرانے کے دوران دم توڑ گئی تھی اور اس قتل میں اس کے گھر والوں کا ہاتھ ہوسکتا ہے۔ پڑوسیوں کا کہنا ہے کہ عامل غلام حیدر کے گھر 24 گھنٹے لوگوں کا آناجانا رہتا تھا۔

پولیس نے یہ بھی بتایا کہ غلام فرید سے علاج کے دوران ہلاک ہونے والی خاتون فریدہ کے بیٹے ریاض نے عامل سے بدلہ لینے کی دھمکی دی تھی۔ اب تک کی تفتیش میں واردات میں 2 افراد کے ملاث ہونے  کے شواہد ملے ہیں جنہوں نے کارروائی میں 30 بور کا پستول استعمال کیا۔

WhatsApp FaceBook
تازہ ترین
 
 
 
مقبول خبریں
مقبول خبریں
 
 
 
 
 
Facebook Twitter Youtube