Thursday, September 23, 2021  | 15 Safar, 1443

بھارتی ناظم الامور کی دفتر خارجہ طلبی، پاکستان کا شدید احتجاج

SAMAA | - Posted: Jul 30, 2021 | Last Updated: 2 months ago
SAMAA |
Posted: Jul 30, 2021 | Last Updated: 2 months ago
Foreign office

فائل فوٹو

پاکستان نے آزاد کشمیر انتخابات سے متعلق بھارتی وزارت خارجہ کے بے بنیاد بیانات پر بھارتی ناظم الامور کو دفتر خارجہ طلب کر کے بیانات کو مسترد کرتے ہوئے سخت احتجاج ریکارڈ کرایا۔

ترجمان دفتر خارجہ کا کہنا ہے آزاد کشمیر انتخابات سے متعلق بھارتی وزارت خارجہ کے بے بنیاد بیانات کو مسترد کرتے ہیں۔

پاکستان کی جانب سے آزاد کشمیر انتخابات سے متعلق بیانات پر بھارتی ناظم الامور کو اپنا احتجاج ریکارڈ کرایا گیا۔ انہوں نے کہا کہ مقبوضہ جموں و کشمیر کے حوالے سے پاکستان کا مؤقف واضح ہے۔

ترجمان دفتر خارجہ کا مزید کہنا ہے بھارت مقبوضہ کشمیر میں غیر قانونی قبضے کے حقائق چھپا نہیں سکتا، بھارت نے اپنے گھناؤنے ڈیزائن کی تکمیل کی خاطر مقبوضہ کشمیر میں دہائیوں سے انسانی حقوق کی سنگین خلاف ورزی کی۔

انہوں نے یہ بھی کہا کہ آزاد کشمیر کے عوام آزادانہ انتخابات سے مستفید ہو رہے ہیں، جب کہ مقبوضہ کشمیر بھارتی قبضے میں خون میں نہایا ہوا ہے۔

WhatsApp FaceBook
تازہ ترین
 
 
 
مقبول خبریں
مقبول خبریں
 
 
 
 
 
Facebook Twitter Youtube