Thursday, September 23, 2021  | 15 Safar, 1443

کراچی: ضلع وسطیٰ میں مائیکرو لاک ڈاؤن نافذ

SAMAA | - Posted: Jul 23, 2021 | Last Updated: 2 months ago
SAMAA |
Posted: Jul 23, 2021 | Last Updated: 2 months ago

فائل فوٹو

کرونا وائرس کے بڑھتے کیسز پر کراچی کے ضلع وسطی ( سینٹرل ڈسٹرکٹ) کے متعدد علاقوں کی یونین کونسلز ( یو سیز ) میں مائیکرو لاک ڈاؤن نافذ کردیا گیا ہے۔

انتظامیہ کے مطابق کراچی کے ضلع وسطی کے متعدد علاقوں میں کرونا کے 176 نئے کیسز رپورٹ ہوئے ہیں۔ جس کے بعد گلبرگ، نارتھ کراچی، نارتھ ناظم آباد اور لیاقت آباد کے مخصوص ہاٹ اسپاٹ والے علاقوں میں مائیکرو لاک ڈاؤن نافذ کردیا گیا ہے۔

اس دوران مائیکرو لاک ڈاؤن والے علاقوں میں ہر قسم کے اجتماعات اور تقریبات پر مکمل پابندی ہوگی۔ ہاٹ اسپاٹ ایریاز میں ایس او پیز پر سختی سے عمل درآمد کرایا جائے گا۔

جاری نوٹی فیکیشن کے مطابق مائیکرو اسمارٹ لاک ڈاؤن والے علاقوں میں ماسک کا استعمال لازمی قرار دیا گیا ہے۔ لاک ڈاؤن 2 ہفتوں کیلئے نافذ العمل رہے گا، جس کا اطلاق آج بروز جمعہ 23 جولائی سے 6 اگست تک ہوگا۔ ڈپٹی کمشنر کی جانب سے نوٹی فیکيشن جاری کرديا گیا ہے۔

مائیکرو لاک ڈاؤن کے دوران تمام تجارتی مراکز اور دفاتر بند رہیں گے۔ صرف ضروری اشیا کی دکانیں کھلی رہیں گی۔ تمام ریسٹورنٹس بھی بند رہیں گے، جب کہ ہوم ڈیلوری کی اجازت بھی نہیں ہوگی۔

پبلک ٹرانسپورٹ کے ساتھ ساتھ موٹر سائیکل کی ڈبل سواری بھی ممنوع ہوگی۔

WhatsApp FaceBook
تازہ ترین
 
 
 
مقبول خبریں
مقبول خبریں
 
 
 
 
 
Facebook Twitter Youtube