Monday, September 27, 2021  | 19 Safar, 1443

مویشی منڈیوں میں خریداروں اوربیوپاریوں کےدرمیان بھاؤتاؤجاری

SAMAA | - Posted: Jul 20, 2021 | Last Updated: 2 months ago
SAMAA |
Posted: Jul 20, 2021 | Last Updated: 2 months ago

جانوروں کی قیمتیں کم نہ ہوسکیں

عید قرباں نزدیک آنے کے باوجود اسلام آباد کی مویشی منڈیوں میں خریداروں اور بیوپاریوں کے درمیان بھاؤ تاؤ جاری ہے اور جانوروں کی قیمتیں کم نہ ہوسکیں۔

اسلام آباد کی مختلف مویشی منڈیوں میں بھاؤ تاؤ عروج پر ہے۔ ڈیڑھ لاکھ روپے سے15 لاکھ کے درمیان بیل دستیاب ہے جبکہ بکرے کی قیمت 35 ہزارروپے سے ایک لاکھ روپےتک ہے۔ مویشی منڈیوں میں قربانی کے جانوروں کی قیمتیں آسمان سے باتیں کررہی ہیں۔

شہریوں کا کہنا ہے کہ گزشتہ سال کی نسبت دام دو سے تین گنا بڑھ چکے ہیں اورگھنٹوں بحث و تکرار کے بعد بھی سودا طے نہیں ہوتا ہے۔

بیوپاری کہتے ہیں خریداروں کے شکوے بجا ہیں لیکن ہم بھی جانور گھاٹے میں نہیں بیچ سکتے ہیں۔۔ ان کا کہنا ہے کہ اس سال جانوروں پر خرچہ تقریباً ایک تہائی زیادہ ہوگیا ہے۔گزشتہ سال گندم 1400 روپے تھی اس سال 2000 روپے سے زائد ہے۔

خریداروں کو استطاعت کے مطابق جانور کی تلاش ہے لیکن بیوپاری قیمتیں کم کرنے کے موڈ میں بالکل نہیں ہیں۔

WhatsApp FaceBook
تازہ ترین
 
 
 
مقبول خبریں
مقبول خبریں
 
 
 
 
 
Facebook Twitter Youtube