Wednesday, October 20, 2021  | 13 Rabiulawal, 1443

تیرہ سالہ مغویہ کے زبردستی نکاح کی کوشش، پڑوسی گرفتار

SAMAA | - Posted: Jul 19, 2021 | Last Updated: 3 months ago
SAMAA |
Posted: Jul 19, 2021 | Last Updated: 3 months ago

لڑکی 17جون کو حیدرآباد سے اغواء کی گئی تھی

حیدرآباد سے اغواء کی گئی 13 سالہ لڑکی کی زبردستی شادی کی کوشش ناکام بناتے ہوئے پولیس نے اسے بازیاب کرالیا۔

پولیس کے مطابق مذکورہ لڑکی کو 17 جون کو حیدرآباد کے علاقے گوٹھ سنجھر ملاح سے 3 ملزمان نے اسکول جاتے ہوٸے اغواء کرلیا تھا۔

اغواء کے بعد لڑکی کو جعفرآباد لے جا کر قید کردیا گیا اور اس دوران اسے تشدد کا نشانہ بھی بنايا گيا، ملزمان اُس کی زبردستی شادی کروا رہے تھے جس کیلئے ایک نکاح خواں بھی بلاليا گیا تھا تاہم عین نکاح کے وقت پولیس وہاں پہنچ گئی اور لڑکی کو بازیاب کرتے ہوئے ملزمان گرفتار کرلئے۔

اے ایس پی سٹی علینہ راجپر نے سماء کو بتایا کہ ملزمان لڑکی کے پڑوسی نکلے جو واردات کے بعد سے ہی غائب تھے تاہم انہیں فون کی مدد سے ٹریس کرتے ہوئے پولیس پہلے کوٹری اور پھر جعفرآباد پہنچ گئی اور لڑکی کو اغواء کاروں کے چنگل سے آزاد کرالیا۔

متاثرہ لڑکی نے بھی سماء کو بتایا کہ اس کا زبردستی نکاح کروایا جارہا تھا کہ پولیس اس جگہ پہنچ گئی۔ لڑکی کا یہ بھی کہنا تھا کہ اس پر قید کے دوران تشدد بھی کیا گیا تھا۔

پوليس ٹیم جب لڑکی کو لے کر اس کے گھر پہنچی تو والدین نے اظہار تشکر کے طور پر اہلکاروں پر پھولوں کی پتياں نچھاور کیں۔

WhatsApp FaceBook
تازہ ترین
 
 
 
مقبول خبریں
مقبول خبریں
 
 
 
 
 
Facebook Twitter Youtube