Friday, January 21, 2022  | 17 Jamadilakhir, 1443

شمالی وزیرستان: پولیس فائرنگ سے 2 طلباء زخمی

SAMAA | - Posted: Jul 16, 2021 | Last Updated: 6 months ago
SAMAA |
Posted: Jul 16, 2021 | Last Updated: 6 months ago

شمالی وزیرستان کے تحصیل میرعلی میں گورنمنٹ ڈگری کالج میرعلی میں انٹر کے امتحانی ہال کے باہر پولیس کی فائرنگ سے دو طلباء زخمی ہوگئے۔

پولیس کے مطابق گورنمنٹ ڈگری کالج میرعلی کے باہر پولیس نے ہال کی سیکیورٹی کے دوران غیرمتعلقہ افراد کو کالج سے نکلنے کے لیے کہا جس پر طلباء اور پولیس اہلکاروں کے مابین پہلے تلخ کلامی اور پھر ہاتھا پائی ہوئی۔
ہاتھا پائی کے دوران پولیس نے طلباء پر فائرنگ کی جس سے دو طلباء فاتح الدین اور محمد قاسم زخمی ہوئے۔
زخمی طلباء کو فوری طور پر تحصیل ہیڈ کوارٹر اسپتال لیجایا گیا جہاں ڈاکٹروں کے مطابق دونوں زخمیوں کی حالت تسلی بخش ہے۔
ڈسٹرکٹ پولیس افیسر شمالی وزیرستان شفیع اللہ گنڈا پور کا کہنا ہے کہ معاملے کا جائزہ لیا جا رہا ہے اور جو بھی قصوروار پایا گیا اس کے خلاف قانون کے مطابق کارروائی ہوگی۔
فائرنگ کے بعد امتحانی ہال کے باہر شدید بدنظمی اور بھگدڑ مچ گئی اور امتحان دینے والے طلباء بھی خوف وہراس کا شکار ہو گئے۔

WhatsApp FaceBook
تازہ ترین
 
 
 
مقبول خبریں
مقبول خبریں
 
 
 
 
 
Facebook Twitter Youtube